កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា នៅថ្ងៃទី ២៥ ខែមករានេះ ផលិតកម្ម YG Entertainment បានចេញសេចក្តី ថ្លែងការណ៍ផ្លូវការមួយ ដោយបញ្ជាក់ពីលទ្ធផល តេស្តវិជ្ជមានមេរោគ COVID-19 របស់ Koo Jun Hoe របស់ iKON និង Yoshi របស់ TREASURE ។
ខាងក្រោមនេះ ជាសេចក្តី ថ្លែងការណ៍ផ្លូវការ របស់ផលិតកម្ម YG Entertainmentថា លោក Koo Jun Hoe សមាជិកក្រុម iKON មានករណីវិជ្ជមាន នៃមេរោគ COVID-19 បន្ថែមលើសមាជិកមិត្ត របស់លោក លោក Kim Jin Hwan លោក Song Yun Hyeong និងលោក Donghyuk ។
លោក Koo Jun Hoe បានធ្វើតេស្តិ៍អវិជ្ជមាន លើការធ្វើតេស្តិ៍ COVID-19 PCR នៅថ្ងៃទី ២២ ខែមករា ទោះបីជាយ៉ាងណាក៏ដោយ ២ថ្ងៃក្រោយមកនៅថ្ងៃទី ២៤ ខែមករា លោកមានរោគសញ្ញា នៃការឈឺបំពង់កស្រាល ហើយត្រូវបានពិនិត្យម្តងទៀត ។ ថ្ងៃនេះនៅថ្ងៃទី ២៥ ខែមករា លោកបានទទួលលទ្ធផល តេស្តិ៍វិជ្ជមានរបស់លោក ។
ការធ្វើតេស្តិ៍ PCR COVID-19 របស់សមាជិក TREASURE Yoshi ក៏ត្រូវបានបញ្ជាក់ថា វិជ្ជមាននៅថ្ងៃដដែល ហើយគាត់គ្រោង នឹងព្យាបាលពីផ្ទះ។ ទាំង Koo Jun Hoe និង Yoshi បានទទួលការចាក់វ៉ាក់សាំង COVID-19 ពេញលេញរបស់ពួកគេ ហើយបច្ចុប្បន្នមានសុខភាពល្អ ៕ដោយ៖លី ភីលីព
