កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្ត កូរ៉េខាងត្បូង Allkpop បានប្រាប់ឲ្យដឹងថា Fan Bingbing តារាសម្តែងចិន ដ៏ល្បីល្បាញ ដែលបានក្លាយជាចំណុចកណ្តាល នៃបញ្ហាពិភពលោក ខណៈដែលមានជម្លោះ និងពាក្យចចាមអារ៉ាម ជាច្រើននឹងបង្ហាញខ្លួន ជាពិសេសនៅក្នុងរឿងកូរ៉េ ។
យោងតាមរបាយការណ៍ របស់ The Fact ថ្មីៗនេះ ថា នាង Fan Bingbing បានបង្ហាញខ្លួនជាតួសម្តែងក្នុងរឿង ‘Insider’ គ្រោងនឹងចាក់ផ្សាយ នៅលើបណ្តាញ JTBC ។ នាង Fan Bingbing កំពុងទទួលបានការចាប់ អារម្មណ៍យ៉ាងខ្លាំង សម្រាប់ដំណើរកម្សាន្ត របស់នាងទៅកាន់ប្រទេសកូរ៉េ និងការបង្ហាញខ្លួន នៅក្នុងរឿងភាគកូរ៉េ ចាប់តាំងពីនាងធ្លាប់បានបង្កជម្លោះធំ នៅក្នុងប្រទេសចិន ។ គេក៏បានរាយការណ៍ថា នេះជាលើកដំបូងរបស់នាង Fan Bingbing បង្ហាញខ្លួនក្នុងរឿងភាគកូរ៉េ ។
មន្ត្រីទូរទស្សន៍ម្នាក់ ដែលសុំមិនបញ្ចេញឈ្មោះ បានបញ្ជាក់ប្រាប់អ្នកយកព័ត៌មាន The Fact ថា Fan Bingbing មកកូរ៉េ ដោយសម្ងាត់ដោយនិយាយថា ជាការពិតដែល Pan Bingbing មកកូរ៉េ កាលពីដើមឆ្នាំនេះ ហើយបានថតជាតួឯកក្នុងរឿងកូរ៉េ ។ ទន្ទឹមនឹងនេះ ‘Insider’ គឺជារឿងដែលសម្តែងដោយ Kang Ha Neul និង Lee Yoo Young វាជារឿងមួយដែលគ្រោងនឹងចាក់ផ្សាយនៅចុងឆ្នាំនេះ ហើយបានបញ្ចប់ការថតភាគ ច្រើនរួចទៅហើយ៕ ដោយ៖លី ភីលីព
