មាន សូនីតា ត្រូវជនអនាមិក លួចឈ្មោះប្រើប្រាស់ ធ្វើរឿងមិនល្អ

ភ្នំពេញ៖   មានជនអនាមិកបានយករូបថត និងឈ្មោះ តារាសម្ដែង កញ្ញា មាន សូនីតា ទៅបង្កើតគណនី Telegram ក្នុងបំណងទុច្ចរិត  តែយ៉ាងណា  ហើយនៅប៉ុន្មានម៉ោងមុននេះ  ស្រីស្អាត មាន សូនីតា បានបង្ហោះសារប្រកាសប្រាប់ដល់មហាជន និងអ្នកគាំទ្រថា រូបនាងសូមធ្វើការបដិសេធទាំងស្រុង និងមិនទទួលខុសត្រូវ ចំពោះទង្វើដែលជនអនាមិក ដែលបានយកឈ្មោះ និងរូបថតរបស់នាង ទៅបង្កើតគណនី Telegram ថ្មី ក្នុងន័យទុច្ចរិត ធ្វើឱ្យប៉ះពាល់ដល់កេរ្តិ៍ឈ្មោះ របស់នាងជាខ្លាំង ។ 

ជាមួយគ្នានេះផងដែរ ស្រីស្រស់ មាន សូនីតា ថែមទាំងបានសូមណូមពរឱ្យអ្នកគាំទ្រ ជួយប្លុកគណនី Telegram ក្លែងក្លាយនោះទៀតផង ជៀសវៀងកុំ​ឱ្យមានមិនល្អកើតឡើង ។

តារាសម្ដែងមានជីវិតឡូយឆាយ មាន សូនីតា បានបញ្ជាក់ឱ្យដឹងយ៉ាងដូច្នេះថា «ជួយផង បងប្អូនអើយ Account មួយនេះ មិនមែនជា account របស់នាងទេ ជា Account fake ខ្ញុំមិនដឹងថា គាត់មានបំណងអ្វីទេ សូមបងប្អូនជួយ block ចោលផង។ បើសិនជាមានបញ្ហាអ្វីមួយកើតឡើង នាងខ្ញុំមិនទទូលខុសត្រូវទេ។ សូមអរគុណទុកជាមុន!»។

សូមបញ្ជាក់ថា តារាសម្ដែង មាន សូនីតា ត្រូវបានមហាជន និងអ្នកគាំទ្រមើលឃើញថា សព្វថ្ងៃនេះនាងមានភាពមមាញឹកខ្លាំងលើការងារសិល្បៈ ជាពិសេសគឺការបង្ហាញម៉ូដ និងប្រម៉ូតផលិតផលថ្មីៗជាដើម ។ តួយ៉ាង កាលពីខែមុន នាងត្រូវបានម្ចាស់ប្រេនល្បីមួយនៅប្រទេសបារាំង អញ្ជើញរូបនាងឱ្យជួយ បង្ហាញម៉ូដសម្លៀកបំពាក់ ដល់ប្រទេសបារាំងទៀតផង៕ ដោយ៖ ម៉ានី