គ្រួសាររបស់នាង បាននិយាយកាលពីថ្ងៃអង្គារថា នាង Kailia Posey ជាតារាវ័យក្មេង ដែលបានបង្ហាញខ្លួន នៅក្នុងកម្មវិធីការពិត Toddlers និង Tiaras បានស្លាប់ ដោយសារការធ្វើអត្តឃាត នៅអាយុ ១៦ ឆ្នាំ ខណៈម្ដាយបន្ថែមថា នាងបានសម្រេចចិត្ត បញ្ចប់ជីវិត នៅលើផែនដី នេះបើយោងតាមការ ចេញផ្សាយពីគេហទំព័រឌៀលីម៉ែល ។
ម្ដាយរបស់តារាសម្ដែង Marcy Posey Gatterman បានបង្ហោះលើហ្វេសប៊ុក កាលពីយប់ថ្ងៃចន្ទ ដោយបញ្ជាក់ពីការស្លាប់របស់កូនស្រីថា ខ្ញុំគ្មានពាក្យ ឬគំនិតណាមួយទេ ហើយកូនស្រីដ៏ស្រស់ស្អាតម្នាក់ បានបាត់ទៅហើយ ។ ក្រោយមក Gatterman បានប្រាប់ TMZ នៅក្នុងសេចក្តីថ្លែងការណ៍មួយថា កូនស្រីរបស់លោកស្រី បានសម្រេចចិត្តបញ្ចប់ជីវិត នៅលើផែនដីរបស់នាង ។
គ្រួសាររបស់ Posey បានបង្កើតមូលនិធិ Kailia Posey Teen Crisis Intervention Fund ដោយមានគោលដៅ ទទួលបានធនធាន ត្រូវការច្រើនដល់សិស្ស ដែលមានវិបត្តិ ។ អាជ្ញាធរបាន បញ្ជាក់ប្រាប់ គេហទំព័រ ឌៀលីម៉ែលថា សាកសពរបស់នាង ត្រូវបានគេរកឃើញ កាលពីថ្ងៃច័ន្ទ ក្នុងឡាននៅឧទ្យានមួយ នា រដ្ឋ Washington ឧទ្យាន Birch Bay State Park ជាកន្លែងដែលនាង Posey ត្រូវបានរកឃើញដំបូងដោយអាជ្ញាធរ គឺជាឧទ្យានរដ្ឋ ទំហំ ១៩៤ហិចតាមានទីតាំងនៅតាមច្រាំង Strait of Georgia ចម្ងាយប្រហែល ៩ ម៉ាយ ពីព្រំដែនប្រទេសកាណាដា និងមានឆ្នេរថ្ម ដ៏ស្រស់ស្អាត និងកន្លែងបោះជំរុំដ៏ធំ ។
នាងPosey ទើបតែប្រារព្ធខួបកំណើត គម្រប់១៦ឆ្នាំ កាលពីថ្ងៃទី១៩ ខែមេសា ហើយបានចូលរៀន នៅវិទ្យាល័យកាល ពីចុងសប្តាហ៍ ។កាលនៅក្មេង Poseyបានសម្តែងរឿង Toddlers និង Tiaras ជារឿងភាគ TLC ដើរតាមគ្រួសារក្មេងៗ បានចូលរួមប្រកួតប្រជែង ក្នុងកម្មវិធីប្រកួតសម្រស់ ហើយកម្មវិធីពិតបានដំណើរ ការសម្រាប់៧ រដូវកាលពីឆ្នាំ ២០០៩ ដល់ឆ្នាំ ២០១៣ ៕ដោយ៖លី ភីលីព
