កូរ៉េ៖តារាចម្រៀង និងជាតារាសម្ដែង Lee Seung Gi បានប្រកាសថា លោកនឹងរៀបការជាមួយមិត្តស្រី Lee Da In ដែលជាតារាសម្តែងដូចគ្នានាខែមេសាខាងមុខនេះ បន្ទាប់ពីបង្ហោះសំបុត្រសរសេរដោយដៃនៅលើបណ្តាញសង្គម Instagram បើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូង Allkpop ។
តារាសម្ដែង Lee Seung Gi បានបង្ហោះសំបុត្រសរសេរដោយដៃនៅលើបណ្តាញសង្គម Instagram របស់លោកកាលពីថ្ងៃទី ៧ ខែកុម្ភៈ ដោយនិយាយថា ខ្ញុំបានសម្រេចចិត្តចំណាយពេលពេញមួយជីវិតរបស់ខ្ញុំជាមួយនាង Da In ដែលខ្ញុំស្រឡាញ់មិនមែនជាគូស្នេហ៍ទេ តែជាគូស្នេហ៍អស់មួយជីវិត។
តារារូបនេះបានបន្តថា ខ្ញុំបានស្នើ និងទទួលបានការយល់ព្រម ហើយយើងនឹងរៀបការនៅថ្ងៃទី ៧ ខែមេសា ចំពោះនាងជាមនុស្សដែលមានចិត្តកក់ក្ដៅ និងស្រលាញ់ចង់នៅក្បែរខ្ញុំជារៀងរហូត។
Lee Seung Gi បានបន្ថែមថា ខ្ញុំចង់ឲ្យពួកយើងចែករម្លែកនូវសុភមង្គលរបស់គ្នាទៅវិញទៅមក ហើយខ្ញុំចង់ជម្នះឧបសគ្គជាមួយគ្នាដោយមិនលែងដៃគ្នា៕
