អាមេរិក ៖ កាសែត Wall Street Journal បានរាយការណ៍ថា តារារ៉េប លោក Kanye West បានបង្ហាញវត្តមានសាជាថ្មីលើបណ្តាញសង្គម X វិញកាល ពីថ្ងៃសៅរ៍ បន្ទាប់ពីបណ្តាញសង្គម ដែលពីមុនត្រូវបានគេស្គាល់ថា Twitter បានផ្អាកតារាចម្រៀងរ៉េប មិនប្រើប្រាស់វេទិកានេះ កាលពីឆ្នាំមុន ដោយសារតែការបង្ហោះប្រមាថ និងផ្សព្វផ្សាយខ្លឹមសារប្រឆាំងនឹងពួកយូដា យោងតាមការចេញ ផ្សាយពីគេហទំព័រ RT ។
លោក West ត្រូវបានគេស្គាល់ថា ជា Ye ត្រូវបានផ្អាកពីបណ្តាញសង្គម ដែលទើបនឹងប្តូរឈ្មោះថ្មីដោយម្ចាស់ Elon Musk កាលពីចុងឆ្នាំមុនភ្លាមៗ បន្ទាប់ពីលោក បានបង្ហោះរូបភាព មួយសន្លឹក រួមបញ្ចូលគ្នា ជាមួយតារារបស់ David ។ ការហាមប្រាមនេះ ត្រូវបានលុបចោល កាលពីថ្ងៃសៅរ៍ ជាការផ្លាស់ប្តូរមួយ បានកើតឡើង បន្ទាប់ពី Musk បានស្ដារគណនី Twitter ដ៏លេចធ្លោជាច្រើនត្រូវបានផ្អាកក្រោម កម្មសិទ្ធិពីមុនរបស់វា ។
យោងតាមកាសែត Wall Street Journal បានដកស្រង់ប្រភពអនាមិក ដែលជិតស្និទ្ធនឹងស្ថានភាពនោះ X ថា គណនីដែលបានស្ដារឡើងវិញថ្មីរបស់លោក West នឹងមិនត្រូវបានប្រើ ដើម្បីចែកចាយវោហាសាស្ត្រប្រឆាំង នឹងពួកយូដាឡើយ។ លោកមិនទាន់បានបង្ហោះ ចូលបណ្ដាញសង្គមនៅឡើយទេ គិតត្រឹមរសៀលថ្ងៃអាទិត្យ ។
ការព្យួរជាផ្លូវការរបស់លោក West ពី Twitter បានធ្វើតាមសេចក្តីថ្លែង ការណ៍ប្រឆាំងនឹងពួកយូដានៅក្នុងបទសម្ភាសន៍ និងនៅលើប្រព័ន្ធផ្សព្វផ្សាយ សង្គមកាលពីឆ្នាំមុន រួមទាំងសារបង្ហោះ នៅខែតុលា ដោយលោកបាននិយាយថា លោកនឹងទៅ “death con 3” លើសមាជិកនៃសហគមន៍ជ្វីហ្វ។ គណនីរបស់លោកត្រូវបានចាក់សោដោយ Twitter បន្ទាប់ពីនោះ មុនពេលលោកត្រូវបានគេអនុញ្ញាត ឲ្យចូលទៅក្នុងវេទិកា៕
ដោយ៖លី ភីលីព
ប្រភព ៖ AFP
