កម្ពុជា៖ យោងតាមការសិក្សាថ្មីមួយ បានឲ្យដឹងថា រាជធានីបុរាណ នៃអង្គរវត្ត របស់ប្រទេសកម្ពុជា មានប្រជាជន រហូតដល់ ៩០០.០០០ នាក់ រស់នៅ ដែលគួរឲ្យមានការភ្ញាក់ផ្អើលយ៉ាងខ្លាំង សម្រាប់មនុស្សជាតិ លើពិភពលោក មុនពេលរាជធានី ត្រូវបានគេបោះបង់ចោល នៅឆ្នាំ១៤៣១ នៃគ.ស នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអន្ដរជាតិមួយ ដែលដឹកនាំដោយសាកលវិទ្យាល័យអង់គ្លេស កូឡុំបៀ បានពិនិត្យទិន្នន័យ ចំនួន ៣ ទសវត្ស ដើម្បីបង្កើតគំរូប្រជាសាស្ត្រ នៃទីក្រុងមជ្ឈិមសម័យ។ គំរូរបស់ពួកគេ បានបង្ហាញថា រាជធានី នៃអាណាចក្រខ្មែរ ដែលបានបាត់បង់ ជាយូរមកហើយ មានប្រជាជនពី ៧០០,០០០ និង ៩០០,០០០ នាក់ កំឡុងពេលសករាជរបស់ខ្លួន ក្នុងសតវត្សទី ១៣ ។
នេះបើយោងតាមក្រុមអ្នកស្រាវជ្រាវនេះ បានធ្វើឲ្យវាក្លាយជាទីក្រុងធំបំផុតមួយ នៅលើពិភពលោក ដែលបានបង្កើតឡើង ក្នុងរយៈពេលជាច្រើនសតវត្សរ៍ នៃកំណើនក្នុងអត្រាខុសគ្នា។ ការរកឃើញនេះ បានផ្តល់ទិន្ន័យច្រើន ជាង ៣០ ឆ្នាំ ដើម្បីបង្កើតនូវគំរូប្រជាសាស្រ្តដំបូង នៃកំណើនប្រជាសាស្រ្ត នៅរាជធានី នៃអាណាចក្រខ្មែរ។
លោកស្រី Sarah Klassen និងសហសេវិក បានណែនាំថា បច្ចេកទេសនេះ សម្រាប់ការយកគំរូតាម ការលូតលាស់កណ្តាលទីក្រុង អាចត្រូវបានអនុវត្ត ចំពោះទីក្រុងមុនៗ។ ពួកគេនិយាយថា នេះអាចផ្តល់ចម្លើយ ចំពោះបញ្ហាប្រឈមធំបំផុតមួយចំនួន នៃបុរាណវិទ្យារួមទាំងការ កើនឡើង និងការធ្លាក់ចុះ នៃភាពស្មុគស្មាញសង្គម។
នៅពាក់កណ្តាល សតវត្សរ៍ទី ១៩ អ្នកជំនាញធម្មជាតិ របស់បារាំង លោក Henri Mouhot បានផ្តល់នូវបញ្ជីលម្អិតដំបូងមួយ នៃអង្គរសម្រាប់ទស្សនិកជនអឺរ៉ុប បានលើកឡើង ពីទំនៀមទម្លាប់ផ្ទាល់មាត់ ដែលចក្រភពខ្មែរ“ បានរក្សាកងទ័ព ចំនួន៥ឬ៦លាននាក់។ ការប៉ុនប៉ង ជាលក្ខណៈសមហេតុផលដំបូង ក្នុងការគណនាចំនួនប្រជាជន នៅអង្គរ ត្រូវបានអនុវត្ត ដោយអ្នកបុរាណវិទ្យា Bernard-Philippe Groslier ។
លោកបានធ្វើការដោយ ប្រយ័ត្នប្រយែង ប្រជាជនសរុបចំនួន ១,៩ លាននាក់ នៅក្នុងតំបន់ជុំវិញអង្គរ នាពាក់កណ្តាលចុងក្រោយ នៃសតវត្សរ៍ទី ១២ ។ ការប៉ុនប៉ងថ្មីៗ បន្ថែមទៀតផ្អែក លើសមត្ថភាព ផ្ទុកការប៉ាន់ស្មានទេសភាព មានប្រជាជន ប្រមាណ ៧៥ ម៉ឺននាក់៕ ដោយ៖លី ភីលីព
