ការផោមនៅទីសាធារណៈ ហើយត្រូវបានអ្នកដទៃដឹងពិតជារឿង មួយគួរឲ្យអាម៉ាស់ខ្លាំងណាស់។ បើដូច្នេះតើអ្នកគួរធ្វើដូចម្តេចទៅ? តើអ្នកធ្វើពុតជាមិនដឹងរឿង ឬក៏ត្រូវទទួលស្គាល់ថាខ្លួនជាអ្នកផោម? ចុះអ្នកដឹងទេហេតុអ្វីបានជាអ្នកផោម?
មនុស្សគ្រប់គ្នានៅលើលោកនេះ សុទ្ធតែផោមទាំងអស់។ ម្យ៉ាងវិញទៀត នៅពេលខ្លះផោមដោយ មិនមានលក្ខណ់គួរឲ្យកត់សំគាល់ ខ្លះមានក្លិនអាក្រក់ខ្លាំង និងខ្លះទៀតមានសំលេងឮបំពង ដោយនិយាយរួមមកវា គឺជាធម្មជាតិរបស់មនុស្ស។
មនុស្សទាំងអស់ផោមដោយសារតែ រាងកាយរបស់យើង ផលិតឧស្ម័ននៅពេលដែល ម្ហូបអាហារដែលយើងទទួលទាង កំពុងត្រូវបានរំលាយនៅក្នុងក្រពះ និង ពោះវៀនរបស់យើង។ ហើយនៅពេលដែរ ឧស្ម័នទាំងនេះធ្វើដំណើរឆ្លងកាត់ ពោះវៀនធំទៅក្នុងខ្យល់ ខាងក្រៅគេហៅថាផោម។
ឧស្ម័នដែលនាំឲ្យមាន ផោមក្លិនអាក្រក់ផ្ទុកទៅដោយ សារជាតិអាម៉ូញ៉ាត់ និង អ៊ីដ្រូសែន ស៊ុលហ្វីត ដែលត្រូវបង្កើតឡើងនៅក្នុងពោះវៀន។ ជាមួយគ្នានេះដែរ អាហារដែលផលិតឧស្ម័ន ផោមច្រើនជាងគេនោះគឺ ពពួកសណ្តែក និង ទឹកសូដា។
