ព័ត៌មានអន្តរជាតិ

វ៉ាក់សាំងការពារជំងឺកូវីដ១៩ របស់ក្រុមហ៊ុន Moderna មានប្រសិទ្ធភាព ១០០% ក្នុងករណីធ្ងន់ធ្ងរ, ក្រុមហ៊ុនកំពុងស្វែងរកការ យល់ព្រមពីអាមេរិក និងសហភាពអឺរ៉ុប

បរទេស៖ ក្រុមហ៊ុន Moderna Inc គ្រោងនឹងស្នើសុំការអនុញ្ញាតសម្រាប់ វ៉ាក់សាំងការពារមេរោគកូរ៉ូណា របស់ខ្លួន នៅសហរដ្ឋអាមេរិក និងអឺរ៉ុប នៅថ្ងៃច័ន្ទបន្ទាប់ពីការវិភាគថ្មី បានបង្ហាញថា វ៉ាក់សាំងមានប្រសិទ្ធភាពខ្ពស់ ក្នុងការការពារវីរុសកូវីដ១៩ ដោយមិនមានបញ្ហា សុវត្ថិភាពធ្ងន់ធ្ងរ។

យោងតាមសារព័ត៌មាន Sputnik ចេញផ្សាយនៅថ្ងៃទី០១ ខែធ្នូ ឆ្នាំ២០២០ បានឱ្យដឹងថា ការវិភាគបឋមដែលរួមមាន ១៩៦ ករណី បានរកឃើញថា វ៉ាក់សាំងនេះមានប្រសិទ្ធភាព ៩៤,១ ភាគរយ ស្របនឹងការរកឃើញបឋម ដែលបានចេញផ្សាយកាលពីដើមខែនេះ ។ គ្មានអ្នកណាម្នាក់ ដែលអ្នកចូលរួមក្នុងការសាកល្បង ដែលបានទទួលវ៉ាក់សាំងនេះ ហើយបានវិវត្ត នៃជំងឺកូវីដ១៩ ទៅរកភាពធ្ងន់ធ្ងរទេ។

យោងតាមសេចក្តីថ្លែងការណ៍ របស់ក្រុមហ៊ុនបានឱ្យដឹងថា ករណីធ្ងន់ធ្ងរទាំង ៣០ ដែលត្រូវបានអង្កេត នៅក្នុងការសិក្សាបានកើតឡើង ចំពោះអ្នកចូលរួមដែលបានទទួលការចាក់ថ្នាំ placebo ។ ភាគហ៊ុនបានបន្តកើនឡើងដល់ ១២ ភាគរយមុនពេលទីផ្សារអាមេរិក បើកដំណើរការដោយឡើង ដល់កំណត់ត្រា ១៤២,៨៥ ដុល្លារ។ ពួកគេបានកើនឡើងច្រើន ជាងប្រាំមួយដងចាប់ តាំងពីឆ្នាំចាប់ផ្តើម។

លទ្ធផលថ្មីនេះ បានធ្វើឱ្យក្រុមហ៊ុនជីវបច្ចេកវិទ្យា ដែលមានមូលដ្ឋាននៅ Cambridge រដ្ឋម៉ាសាឈូសេត ចាប់ផ្តើមមានវ៉ាក់សាំង Covid-19 ដំបូងគេមួយ នៅអាមេរិក។ វ៉ាក់សាំងស្រដៀងគ្នានេះពីក្រុមហ៊ុន Pfizer និង BioNTech ត្រូវបានបញ្ជូនទៅនិយតករអាមេរិក កាលពីដើមខែនេះហើយគ្រោង នឹងពិនិត្យឡើងវិញ មុនពេលការចាក់របស់ Moderna៕

ប្រែសម្រួលៈ ណៃ តុលា

Most Popular

To Top