តេអេរ៉ង់៖ ប្រធានាធិបតីអ៊ីរ៉ង់លោក ហាសាន់ រ៉ូហានី កាលពីថ្ងៃពុធ បានទទូចដល់សហរដ្ឋអាមេរិក ឱ្យបញ្ឈប់ជាបន្ទាន់ នូវសម្ពាធសេដ្ឋកិច្ច ប្រឆាំងនឹងអ៊ីរ៉ង់ ដែលត្រួសត្រាយផ្លូវ សម្រាប់ការចរចា លើកិច្ចព្រមព្តៀងនុយក្លេអ៊ែរ ដែលអាមេរិកចង់ចូលខ្លួន មករួមរស់ជាមួយគ្នាវិញនោះ។
លោករូហានី ត្រូវបានដកស្រង់សម្តី ដោយសារព័ត៌មាន Press TV ឲ្យដឹងថា “រដ្ឋបាលថ្មីរបស់សហរដ្ឋអាមេរិក ត្រូវតែបញ្ឈប់ប្រតិបត្តិការ ភេរវកម្មសេដ្ឋកិច្ចជាបន្ទាន់ នៅពេលដែលធ្វើវានឹងមានផ្លូវឆ្ពោះទៅមុខ បន្ទាប់មកយើងអាចចរចាគ្នាបាន”។
លោកបានលើកឡើងថា អ៊ីរ៉ង់នៅតែចង់ឲ្យកិច្ចព្រមព្រៀងនុយក្លេអ៊ែរឆ្នាំ២០១៥ ដែលត្រូវបានគេស្គាល់ជាទូទៅថាជាផែនការសកម្មភាពរួម (JCPOA) នៅតែរឹងមាំ ប៉ុន្តែការរស់រានរបស់ខ្លួនពឹងផ្អែកលើការបោះបង់ចោលសម្ពាធសេដ្ឋកិច្ចរបស់សហរដ្ឋអាមេរិក។
លោករ៉ូហានី បានបញ្ជាក់ថា“ យើងនឹងនិយាយនៅក្នុងក្របខ័ណ្ឌនៃ JCPOA មិនមែននិយាយអំពី JCPOA នោះទេ វាមិនអាចទៅរួចនោះទេ ក្នុងការបន្ថែមអត្ថបទពីរបន្ថែមទៀត (ទៅក្នុងកតិកាសញ្ញាបច្ចុប្បន្ន) “។
ទីក្រុង វ៉ាស៊ីនតោន និងសម្ព័ន្ធមិត្តអឺរ៉ុបរបស់ខ្លួន បានអំពាវនាវ ឱ្យមានកិច្ចព្រមព្រៀងនុយក្លេអ៊ែរ ដែលបានពង្រីក ជាមួយទីក្រុងតេអេរ៉ង់ ដែលប្រទេសនេះ បានបដិសេធយ៉ាងខ្លាំង។ អ៊ីរ៉ង់ក៏បានច្រានចោល ការដាក់បញ្ចូលភាគីផ្សេងទៀត នៅក្នុងការចរចា ដែលអាចកើតមានរវាងអ៊ីរ៉ង់ និងសមាជិក JCPOA ផ្សេងទៀត៕ ដោយ៖ ឈូក បូរ៉ា
