ស្វីស ៖ ក្រុមអ្នកស្រាវជ្រាវបានប្រើប្រវត្ដិរូបវិទ្យា ដើម្បីពិនិត្យមើលលលាដ៍ក្បាល នៃហ្វូស៊ីលមនុស្សសម័យ បុរា ណ Homo ដែលរស់នៅក្នុងទ្វីបអាហ្វ្រិក និងអាស៊ីរវាង១លានទៅ២លានឆ្នាំមុន នេះបើយោងតាមការ ចេញផ្សាយពី គេហទំព័រឌៀលីម៉ែល ។
បន្ទាប់មកពួកគេបានប្រៀបធៀបលទ្ធផល នៃការវិភាគរបស់ពួកគេទៅ នឹងមនុស្សសព្វថ្ងៃ និងសាច់ញាតិរស់នៅជិតបំផុត របស់យើងរវាងសត្វស្វា Chimps និងស្វាដ៏អស្ចារ្យដទៃទៀត ។ ពួកគេបានចង្អុលបង្ហាញពីការវិវឌ្ឍន៍ នៃខួរក្បាលមានលក្ខណៈដូចមនុស្ស ជួនកាលរវាង ១,៥ ទៅ ១,៧ លានឆ្នាំមុន នៅទ្វីបអាហ្វ្រិកពោល គឺជាងមួយលានឆ្នាំមុន ពេលដែល Homo sapiens ដំបូងលេចចេញមក ។
អ្នកនិពន្ធការសិក្សាលោក Christoph Zollikofer នៅសាកលវិទ្យាល័យ Zurich បាននិយាយថា ការវិភាគរបស់យើង បង្ហាញថា រចនាសម្ព័ន្ធខួរក្បាលរបស់មនុស្ស សម័យថ្មីបានលេចចេញមកតែ ១,៥ ទៅ ១,៧ លានឆ្នាំប៉ុណ្ណោះនៅក្នុងចំនួន ប្រជាជន Homo អាហ្វ្រិក ។
ក្រុមអ្នកស្រាវជ្រាវនិយាយថា ខួរក្បាលមនុស្ស ដូចដែលយើងដឹងថា វាបានវិវត្តនៅពេ វប្បធម៌នៃឧបករណ៍ថ្ម នៅទ្វីបអាហ្វ្រិកកាន់តែស្មុគស្មាញឡើង ប៉ុន្តែមិនយូរប៉ុន្មានប្រជាជន Homo ថ្មីបានរីករាលដាល ពីទ្វីបអាហ្រ្វិករហូត ដល់អាស៊ីអាគ្នេយ៍ ។
មានចំណាត់ថ្នាក់ នៃការរស់នៅរបស់សត្វស្វាដ៏ អស្ចារ្យចំនួន ៤ប្រភេទសត្វស្វា Apes ‘Hominidae’ គឺ Orangutan, Gorilla, Pan និង Homo ដែលមានតែមនុស្សសម័យ ថ្មីប៉ុណ្ណោះ ។ មនុស្សជាតិសព្វថ្ងៃនេះមានលក្ខណៈខុស ពីមូលដ្ឋានគ្រឹះពីសត្វស្វា ដ៏អស្ចារ្យដទៃទៀត ហើយគួរឲ្យកត់សម្គាល់បំផុត ពីព្រោះយើងរស់នៅលើដី ដើរជើង២ និងមានខួរក្បាលធំជាងមុន ៕ដោយ៖លី ភីលីព
