អង់គ្លេស ៖ អ្នកវិទ្យាសាស្ត្រ និយាយថា ការព្យាបាល ជំងឺមហារីក ជាមួយនឹង ផលប៉ះពាល់តិចតួច គឺអាចធ្វើទៅបានបន្ទាប់ ពីពួកគេបានរកឃើញ ចន្លោះប្រហោង ដែលអាចមើលឃើញ ថ្នាំរលាកសន្លាក់ ត្រូវបានប្រើ ដើម្បីលុបបំបាត់ប្រតិកម្ម រលាកដែលមិនចង់បាន នេះបើយោងតាមការចេញផ្សាយ ពីគេហទំព័រឌៀលីម៉ែល ។
ពួកគេបានបន្តថា ថ្នាំដែលត្រូវបានផ្តល់ ឲ្យអ្នកជំងឺរលាកសន្លាក់ ដើម្បីជួយបញ្ឈប់ការរលាក ដែលត្រូវបានគេហៅថា TNF alpha inhibitors អាចបញ្ឈប់នូវផលវិបាក មិនល្អចំពោះការព្យាបាលជំងឺមហារីក ។ អាស្រ័យលើប្រភេទ នៃការព្យាបាល ដោយប្រើភាព ស៊ាំ ផលប៉ះពាល់ រួមមានការពិបាកដកដង្ហើម ឈឺសាច់ដុំហើមឡើង ទម្ងន់ និងឈឺក្បាលហើយ អាចមានចាប់ពីកម្រិតស្រាល ដល់គ្រោះ ថ្នាក់ដល់អាយុជីវិត ។
ការព្យាបាលដោយភាពស៊ាំ មានច្រើនប្រភេទរាប់ចាប់ ពីអង្គបដិប្រាណ Monoclonal ហើយការព្យាបាល ដោយប្រើកោសិកា T-cell ត្រង់ចំណុចត្រួតពិនិត្យ និងការចាក់វ៉ាក់សាំង ។
ទោះបីជាការ ព្យាបាល ដោយប្រើប្រព័ន្ធភាពស៊ាំ បានធ្វើបដិវត្តក្នុងការព្យាបាល ជំងឺមហារីកក្នុងរយៈពេលប៉ុន្មានឆ្នាំថ្មីៗ នេះក៏ដោយក៏វាអាចបណ្តាល ឲ្យមានប្រតិកម្មរលាក ដែលមានគ្រោះថ្នាក់នៅក្នុង ជាលិកាមានសុខភាពល្អ បណ្តាលឲ្យឈប់ព្យាបាល ។
ការសិក្សាត្រូវបានចេញផ្សាយ នៅក្នុងវិទ្យាសាស្ត្រភាពស៊ាំវិទ្យាសាស្រ្ត ត្រូវបានដឹកនាំដោយអ្នកជំនាញ នៅសាកលវិទ្យាល័យ ហ្សឺណែវ (UNIGE) និងសាលាវេជ្ជសាស្ត្រ Harvard ។ ក្រុមអ្នកស្រាវជ្រាវនិយាយថា ការស្រាវជ្រាវថ្មី របស់ពួកគេអាចធ្វើឲ្យការព្យាបាល ដែលមានប្រសិទ្ធភាព និងគ្រោះថ្នាក់តិចជាង អាចធ្វើទៅបាន ចំពោះអ្នកជំងឺមហារីក ៕ ដោយ៖លី ភីលីព
