ទីក្រុងប៉េកាំង ៖ រូបភាព 3D មានគុណភាពខ្ពស់ កម្រិតពិភពលោកដំបូងបង្អស់ របស់ខួរក្បាលស្វា ត្រូវបានបង្ហាញក្នុងរបកគំហើញមួយ ដែលអាចត្រួសត្រាយផ្លូវ សម្រាប់ការព្យាបាលជំងឺ មនុស្ស រួមទាំងជំងឺ ផាកឃីនសាន់ ឬជំងឺញ័រសរសៃរសាច់ដុំ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ផែនទីលម្អិត នៃខួរក្បាលស្វា ត្រូវបានបង្កើតឡើង ដោយប្រើបច្ចេកទេសរូបភាព ហ្វ្លុយហ្សីហ្សិន ដោយក្រុមមកពីបណ្ឌិត្យសភា វិទ្យាសាស្ត្រចិន នៅទីក្រុង ប៉េកាំង ។ ក្រុមនេះបានប្រើបច្ចេកទេសថ្មីមួយ ដើម្បីបង្ហាញពីរបៀបកោសិកា ប្រសាទត្រូវបានរៀបចំ និងតភ្ជាប់នៅក្នុងខួរក្បាលស្វា នៅកម្រិត ‘មីក្រុន’ ។
ខួរក្បាលរបស់មនុស្សមានកោសិកាប្រសាទ ជិតមួយសែនកោដិ ជាមួយនឹងការតភ្ជាប់ដ៏ឆ្ងាញ់ និងស្មុគស្មាញ ហើយទោះបីជាធំជាងស្វា រហូតដល់ ១៧ ដង ក៏ដោយវាមានលក្ខណៈប្រហាក់ប្រហែលគ្នា សម្រាប់ការប្រៀបធៀប រវាងអ្នកទាំង២ ។
រហូតមកដល់បច្ចុប្បន្នខួរក្បាលកណ្តុរ គឺធំជាងគេត្រូវបានគេធ្វើផែនទី ដោយចំណាយពេលច្រើនថ្ងៃ ដើម្បីបង្កើត រូបភាព 3D ប៉ុន្តែបច្ចេកទេសថ្មី នេះអាចធ្វើឲ្យវាអាចផ្លាស់ប្តូរ បានខួរក្បាលស្វាមានទំហំធំ ជាងកណ្តុរ ប្រហែល ២០០ ដង ។ ក្រុមនេះរួមទាំង អ្នកស្រាវជ្រាវ មកពីសាកល វិទ្យាល័យហ្សេជាំង និយាយថា ការមានផែនទីលម្អិត នៃខួរក្បាលសត្វស្វា នឹងជួយក្នុងការយល់ដឹង អំពីជំងឺរបស់មនុស្ស ៕ដោយ៖លី ភីលីព
