កូរ៉េ៖បើយោងតាមចេញផ្សាយផ្លូវការរបស់គេហទំព័រ Allkpop បានប្រាប់ឲ្យដឹងថា តារាសម្ដែងស្រីនាង Kim So Hyun ទទួលបានការចាប់អារម្មណ៍ជាខ្លាំងជាមួយទម្រង់មុខដ៏ស្រស់ស្អាតរបស់នាងតាមរយៈបណ្ដាញសង្គម បន្ទាប់ពីអ្នកគាំទ្រ និងអ្នកនិយមលេងអ៊ីនធើណេតបានឃើញរូបភាពបង្ហោះលើបណ្ដាញសង្គម។
កាលពីថ្ងៃទី ១០ ខែវិច្ឆិកា នាង Kim So Hyun បានបង្ហោះរូប Selfie ជាបន្តបន្ទាប់លើ Instagram របស់នាងជាមួយនឹងរូបបេះដូងសញ្ញាអារម្មណ៍ដូចជាចំណងជើង។ នាងបានបង្ហោះរូប៤សន្លឹកខុសៗគ្នា ដោយមួយសន្លឹកមានទឹកមុខខុសគ្នា។ នៅថ្ងៃនេះ នាង Kim So Hyun បានធ្វើឲ្យអ្នកគាំទ្រ និងអ្នកនិយមលេងអ៊ីនធើណេតចាប់អារម្មណ៍យ៉ាងខ្លាំង ជាមួយនឹងទម្រង់មុខដ៏ស្រស់ស្អាតរបស់នាង ក៏ដូចជាស្បែកថ្លារបស់នាង។
នាងបានធ្វើឲ្យអ្នកគាំទ្រជាច្រើនភ្ញាក់ផ្អើលនឹងសម្រស់ធម្មជាតិរបស់នាងដោយមិនបាច់ផាត់មុខច្រើន។ អ្នកនិយមលេងអ៊ីនធើណេតជាច្រើនបានចាប់អារម្មណ៍នឹងការថតរូប Selfie ដែលតារាស្រីរូបនេះថតបានមុំស្រួច ខណៈស្បែករបស់នាងមិនមានស្នាមជាំ ហើយនាងអួតពីមន្តស្នេហ៍ស្រស់ស្រាយរបស់នាងតាមរយៈរូបថត។
អ្នកនិយមលេងអ៊ីនធើណេតជាច្រើនបានបញ្ចេញមតិថា “នាងគួរឲ្យស្រលាញ់ណាស់” “នាងស្អាតណាស់” “មុខរបស់នាងគឺល្អបំផុត” “ស្បែករបស់នាងរលោងណាស់” និង “ខ្ញុំស្រឡាញ់នាង” ៕ដោយ៖លី ភីលីព
