ប៉ារីស៖ចៅក្រមបារាំង បានដាក់ប្រធាន Telegram លោក Pavel Durov ឲ្យស្ថិតនៅក្រោមការ ស៊ើបអង្កេត ជាផ្លូវការកាលពីថ្ងៃពុធ នៃការស៊ើបអង្កេត លើឧក្រិដ្ឋកម្ម ដែលបានរៀបចំនៅលើកម្មវិធីផ្ញើសារ ប៉ុន្តែបានផ្តល់ការធានា ឲ្យសហគ្រិនឲ្យនៅក្រៅឃុំ ដោយលោកបង់ប្រាក់ចំនួន ៥ លានអឺរ៉ូ ហើយលោក ត្រូវរាយការណ៍ ២ ដងក្នុងមួយសប្តាហ៍ ទៅប៉ូលីស និងមិនចាកចេញពីទឹកដីបារាំងឡើយ យោងតាមការចេញផ្សាយពី Japan Today ។
ព្រះរាជអាជ្ញាទីក្រុងប៉ារីស Laure Beccuau បាននិយាយក្នុងសេចក្តីថ្លែងការណ៍មួយថា ចៅក្រមបានរកឃើញថា មានហេតុផលដើម្បីស៊ើបអង្កេតជាផ្លូវការលើការចោទប្រកាន់ទាំងអស់ដែលលោកត្រូវបានចាប់ខ្លួនកាលពី៤មុន។ ពួកគេរួមមានការសង្ស័យថា មានភាពស្មុគស្មាញក្នុងការដំណើរការវេទិកាអនឡាញ ធ្វើឲ្យមានប្រតិបត្តិការខុសច្បាប់ រូបភាពនៃការរំលោភបំពានផ្លូវភេទលើកុមារ ការជួញ ដូរគ្រឿងញៀន និងការក្លែងបន្លំ ក៏ដូចជាការបដិសេធក្នុង ការប្រាស្រ័យ ទាក់ទងជាមួយអាជ្ញាធរ ការលាងលុយកខ្វក់ និងការផ្តល់សេវាគ្រីបគ្រីប ដល់ឧក្រិដ្ឋជន។
លោកត្រូវបានដាក់ឲ្យស្ថិតនៅក្រោមការស៊ើបអង្កេត ជាផ្លូវការក្នុងប្រទេសបារាំង មិនមានន័យថា លោកមានកំហុស ឬចាំបាច់នាំទៅដល់ការកាត់ក្តីនោះទេ ប៉ុន្តែបង្ហាញថា ចៅក្រមចាត់ទុកថាមានភស្តុតាង គ្រប់គ្រាន់ដើម្បីបន្តការ ស៊ើបអង្កេតនេះ។ ការស៊ើបអង្កេតអាចមានរយៈពេលជាច្រើនឆ្នាំ មុនពេលត្រូវបានបញ្ជូនទៅការកាត់ក្តី ឬដាក់ក្នុងបញ្ជី។
ការសម្រេចរបស់ចៅក្រមបានធ្វើឡើង បន្ទាប់ពីជនជាតិ រុស្ស៊ីលោក Durov ត្រូវបានចាប់ខ្លួននៅព្រលានយន្តហោះក្បែរ ទីក្រុងប៉ារីសកាលពីល្ងាច ថ្ងៃសៅរ៍។ ការឃុំខ្លួន Durov បានជំរុញឲ្យមានការជជែកវែកញែក អំពីកន្លែងដែលសេរីភាព នៃការនិយាយត្រូវបញ្ចប់ និងការអនុវត្តច្បាប់ចាប់ផ្តើម។
គូសបញ្ជាក់អំពីទំនាក់ទំនងមិនសប្បាយចិត្តរវាងរដ្ឋាភិបាល និង Telegram ដែលមានអ្នកប្រើប្រាស់ជិត ១ ពាន់លាននាក់ ខណៈបម្រើជាការព្រមាន ដល់ក្រុមបច្ចេកវិទ្យា ដែលបដិសេធមិនអនុវត្ត តាមអាជ្ញាធរជុំវិញការចោទប្រកាន់ថា ខុសច្បាប់នៅលើវេទិកា របស់ពួកគេ។
ទីភ្នាក់ងារសារព័ត៌មានរដ្ឋ RIA របស់រុស្ស៊ីបានផ្សាយវីដេអូនៅលើ Telegram បង្ហាញឲ្យឃើញលោក Durov ស្លៀកពាក់ខ្មៅក្នុងមួកកីឡាបេស្បល និងវ៉ែនតាការពារពន្លឺថ្ងៃ ដោយចាកចេញពីការិយាល័យរដ្ឋអាជ្ញា ហើយចូលរថយន្តរង់ចាំ ។
Beccuau បានបន្តថា Telegram ត្រូវបានគេប្រើ ប្រាស់ ក្នុងសំណុំរឿង ព្រហ្មទណ្ឌផ្សេងៗ ហើយថា ការខ្វះខាត ស្ទើរ តែទាំងស្រុង នៃការឆ្លើយតបពី Telegram ចំពោះសំណើរបស់តុលាការ នៅទីបំផុតបានទាក់ទាញ ចំណាប់អារម្មណ៍ របស់អង្គភាពឧក្រិដ្ឋកម្ម តាមអ៊ីនធើណេត របស់ការិយាល័យព្រះរាជអាជ្ញាទីក្រុងប៉ារីស៕
