បរទេស៖ កាសែត Wall Street បានផ្សាយថា រដ្ឋបាលរបស់ប្រធានាធិបតីអាមេរិក លោក Joe Biden បានច្រានចោលផែនការរបស់មន្ទីរបញ្ចកោណ ក្នុងការបញ្ជូនក្រុមហ៊ុនម៉ៅការអាមេរិក ក្នុងការបញ្ជួនទៅកាន់ប្រទេសអ៊ុយក្រែន ដើម្បីថែរក្សាផ្នែករឹង (ឧបករណ៍យោធា) របស់លោកខាងលិច រួមទាំងយន្តហោះចម្បាំង F-16 ផងដែរ។
យោងតាមសារព័ត៌មាន RT ចេញផ្សាយនៅថ្ងៃទី៣១ ខែសីហា ឆ្នាំ២០២៤ បានឱ្យដឹងថា ការជជែកដេញដោលដ៏យូរអំពីការដាក់ពង្រាយជនស៊ីវិលអាមេរិកទៅកាន់ប្រទេសអ៊ុយក្រែន ដើម្បីផ្តល់សេវាផ្នែករឹងដែលផ្គត់ផ្គង់ដល់ទីក្រុងគៀវដោយអ្នកគាំទ្របរទេសរបស់ខ្លួន បានកើតឡើងកាន់តែខ្លាំងចាប់តាំងពីការប្រគល់យន្តហោះចម្បាំង F-16 ចំនួន ៦គ្រឿង លើកដំបូងដល់អ៊ុយក្រែននៅចុងខែកក្កដា។
ក្រុមមន្ត្រីដែលស្គាល់ពីការពិភាក្សាបានប្រាប់ WSJ ថា ក្រុមប្រឹក្សាសន្តិសុខជាតិរបស់សេតវិមានបានពិនិត្យមើលសំណើដែលចេញមកពីយោធា ប៉ុន្តែចាត់ទុកថាវាមានគ្រោះថ្នាក់ខ្លាំងពេក។
ប្រភពមួយក្នុងចំណោមប្រភពទាំងនោះបានប្រាប់សារព័ត៌មានថា “សហគមន៍ស៊ើបការណ៍បានលើកឡើងពីការព្រួយបារម្ភ អំពីការរំពឹងទុករបស់រុស្ស៊ីដែលកំណត់គោលដៅលើអ្នកម៉ៅការអាមេរិកនៅអ៊ុយក្រែន” ។
របាយការណ៍បានអានថា រដ្ឋបាល Biden មិនបានច្រានចោលការបញ្ជូនអ្នកម៉ៅការរបស់អាមេរិក ទៅកាន់អ៊ុយក្រែនទាំងស្រុងនោះទេ ប៉ុន្តែវានឹងមិនកើតឡើងក្នុងពេលឆាប់ៗនេះទេ។
សម្រាប់ពេលនេះ ទីក្រុងវ៉ាស៊ីនតោនរំពឹងថាសម្ព័ន្ធមិត្តណាតូរបស់ខ្លួននៅអឺរ៉ុបនឹងទទួលខុសត្រូវ ចំពោះសេវាកម្មយន្តហោះចម្បាំងដែលរចនាដោយសហរដ្ឋអាមេរិក៕
ប្រែសម្រួលៈ ណៃ តុលា
