ស្នាមជ្រីវជ្រួញ នៅលើផ្ទៃមុខរបស់ស្ត្រី ប្រហែលជាអាចប៉ាន់ ស្មានថាតើ ស្ត្រីម្នាក់នោះអាចរងគ្រោះ ពីដំណើរបាក់ឆ្អឹងយ៉ាងដូម្តេច។ យោងទៅតាមការសិក្សាស្រាវជ្រាវ នៅសហរដ្ឋអាមេរិក ដែលបានចេញផ្សាយកាលពីថ្ងៃច័ន្ទនេះ ។
យោងទៅតាមសំដីរបស់អ្នកសិក្សាស្រាវជ្រាវនៅមហាវិទ្យាល័យយ៉ាលី បានឲ្យដឹងថា បញ្ហានេះអាចកើត មានឡើងដោយសារ កំរិតនៃជាតិប្រូតេអ៊ីននៅក្នុងស្បែក និងឆ្អឹង ត្រូវបានជាប់ទាក់ទងគ្នា ដូច្នេះហើយ មុខ និងក របស់ស្រ្តី ដែលមានស្នាមជ្រីវជ្រួញខ្លាំងពេក នោះគាត់និងអាចប្រឈមមុខយ៉ាងខ្លាំង ទៅនឹងគ្រោះថ្នាក់នៃ ការបាក់បែកឆ្អឹង ដោយភាពហាប់របស់ឆ្អឹង បានបាត់បង់ ។
ជាមួយគ្នានេះដែរ ជំងឺនេះអាចកើតមានឡើងចំពោះស្ត្រីដែលអស់រដូវ ឬស្រ្តីដែលមានវ័យចំនាស់ ដោយពួកគេមានស្នាមជ្រីវជ្រួញកាន់ខ្លាំង ឆ្អឹងរបស់ពួកគាត់កាន់តែបាត់បង់ជាតិហាប់។
