បរទេស ៖ យោងតាមការចេញផ្សាយ របស់ RT អធិការបតីអាល្លឺម៉ង់ថ្មីលោក Friedrich Merz បាននិយាយថា អាល្លឺម៉ង់នឹងមិនអភិវឌ្ឍ ឬទទួលបានអាវុធ នុយក្លេអ៊ែរទេ ខណៈអំពាវនាវឱ្យមានកិច្ច សហប្រតិបត្តិការ កាន់តែស៊ីជម្រៅជាមួយបារាំង និងចក្រភពអង់គ្លេស លើការទប់ស្កាត់ ចំពោះអាវុធ ប្រល័យលោកមួយនេះ។
នៅក្នុងបទសម្ភាសន៍ជាមួយអ្នក ផ្សាយវិទ្យុ Deutschlandfunk កាលពីថ្ងៃអាទិត្យ លោក Merz បានសង្កត់ធ្ងន់ថា ៖ ប្រទេសអាល្លឺម៉ង់ នឹងមិនអាចឬអនុញ្ញាត ឱ្យមានអាវុធនុយក្លេអ៊ែរ ដោយខ្លួនឯងបានទេ ដោយកត់សម្គាល់ថា ទីក្រុងប៊ែកឡាំងត្រូវបានហាមឃាត់ដោយច្បាប់ពីការធ្វើដូច្នេះ។
លោកក៏បានលើកឡើងផដែរថា ៖ នៅឯកសារចុងក្រោយបំផុតគឺសន្ធិសញ្ញា ២+៤ ឆ្នាំ១៩៩០ ដែលប្រទេសអាល្លឺម៉ង់ បានបោះបង់ការកាន់កាប់ អាវុធនុយក្លេអ៊ែរទាំងស្រុង ហើយវានឹងនៅតែជាករណីដដែលដែលប្រទេស របស់យើងនឹងបន្តធ្វើវា។
ឯកសារដែលត្រូវបានគេស្គាល់ជាផ្លូវការថាជាសន្ធិសញ្ញាស្តីពីដំណោះស្រាយចុងក្រោយ ដោយការគោរពចំពោះប្រទេសអាល្លឺម៉ង់ ដែលដាក់មូលដ្ឋានច្បាប់សម្រាប់ការបង្រួបបង្រួមនៃអាល្លឺម៉ង់ខាងលិច និងខាងកើត ឯកសារនេះក៏ចែងថា គ្មានកងកម្លាំងប្រដាប់អាវុធបរទេស អាវុធនុយក្លេអ៊ែរឬក្រុមហ៊ុន ដឹកជញ្ជូនរបស់ពួកគេ នឹងត្រូវដាក់ពង្រាយ នៅក្នុងទីតាំងណានៃទីក្រុងប៊ែរឡាំង និងអតីតអាល្លឺម៉ង់ខាងកើតឡើយ។
ទោះជាយ៉ាងណាក៏ដោយលោក Merz បានបង្ហាញពីឆន្ទៈ របស់គាត់ក្នុងការស្វែង រកកិច្ចសហប្រតិបត្តិការ នុយក្លេអ៊ែរកាន់តែខ្លាំងជាមួយសម្ព័ន្ធមិត្តណាតូ ដោយអំពាវនាវឱ្យមានការពិភាក្សា ជាមួយអង់គ្លេស និងបារាំងផងដែរដោយ លោកបានមានប្រសាសន៍ថា ៖ យើងក៏ត្រូវតែក្លាយ ជាអ្នកកាន់តែខ្លាំង ជាមួយគ្នាក្នុងការគ្រប់គ្រងនុយក្លេអ៊ែរនៅអឺរ៉ុប៕
ប្រែសម្រួល៖ស៊ុនលី
