ព័ត៌មានអន្តរជាតិ
លោក បៃដិន ប្រកាសជំនួយយោធាថ្មី សម្រាប់អ៊ុយក្រែន ចំពេលមានការជាប់គាំងថវិការបស់សភា
វ៉ាស៊ីនតោន៖ ប្រធានាធិបតីសហរដ្ឋអាមេរិកលោក ចូ បៃដិន កាលពីថ្ងៃព្រហស្បតិ៍បានប្រកាសកញ្ចប់ជំនួយយោធាថ្មីមួយ ដែលមានតម្លៃ ៣២៥លានដុល្លារសម្រាប់អ៊ុយក្រែន រួមទាំងការការពារដែនអាកាសបន្ថែមទៀត ខណៈដែលសភាអាមេរិកកំពុងតស៊ូ ដើម្បីឈានដល់ការសម្របសម្រួលមួយដើម្បីទប់ស្កាត់ការបិទរដ្ឋាភិបាលសហព័ន្ធ។ លោក បៃដិន បានប្រកាសកញ្ចប់នេះក្នុងអំឡុងពេលដំណើរទស្សនកិច្ចរបស់ប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី ទៅកាន់ទីក្រុងវ៉ាស៊ីនតោន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។ ក្រសួងការពារជាតិអាមេរិក បានឲ្យដឹងនៅក្នុងសេចក្តីប្រកាសព័ត៌មានមួយថា កញ្ចប់នោះរួមមានប្រព័ន្ធប្រឆាំងការវាយប្រហារតាមអាកាស អាវុធយុទ្ធភណ្ឌធម្មតា ដែលប្រសើរឡើងក្នុងគោលបំណងពីរ...
