Event
ត្រឹមរយៈពេល២ខែ មណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល ចុះ MOU ជាមួយម៉ាកអាជីវកម្មធំៗជាង៥០
ភ្នំពេញ៖ នាថ្ងៃអង្គារ ទី១៩ ខែកក្កដា នៅសណ្ឋាគារហៃយ៉ាត់រេជិនស៊ីភ្នំពេញ ក្រុមហ៊ុន ជីប ម៉ុង រីថែល បានចុះអនុស្សារណៈនៃការយោគយល់គ្នាជាមួយក្រុមហ៊ុន៩ធំៗ ដែលនាំយកនូវម៉ាកអាជីវកម្មជាង៣០បន្ថែមទៀត សម្រាប់ប្រតិបត្តិការមណ្ឌលផ្សារទំនើបខ្នាតយក្ស ២៧១ មេហ្គាម៉ល ដែលប្រកបដោយសក្ដានុពល ប្រសិទ្ធិភាព និង ភាពស៊ីវិល័យ។ គិតត្រឹមរយៈពេល២ខែចុងក្រោយ មណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល បានចុះអនុស្សារណៈនៃការយោគយល់ ជាមួយម៉ាកអាជីវកម្មធំៗជាង៥០។ លោក Arnaud Dufresne អគ្គនាយកក្រុមហ៊ុន ជីប ម៉ុង រីថែល បានមានប្រសាសន៍ថា ការចុះអនុស្សារណៈ នៃការយោគយល់នេះ ធ្វើឡើងក្នុងគោលបំណង៣ធំៗ៖ ទីមួយគឺ ដើម្បីបង្ហាញពីការចាប់ដៃគ្នារវាងជីប ម៉ុង រីថែល និងដៃគូ ក្នុងការផ្ដល់ជូននូវផលិតផល សេវាកម្ម និងបទពិសោធន៍ ដែលមានគុណភាពខ្ពស់ជូនអតិថិជន។ ទីពីរគឺសបញ្ជាក់ពីទំនុកចិត្តរបស់ក្រុមហ៊ុន ធំៗទាំងអស់ មកកាន់មណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល និងទីបី គឺបង្ហាញនូវការតាំងចិត្តជាធ្លុងមួយ ក្នុងការបង្កើនសក្ដានុពលរបស់វិស័យលក់រាយនៅកម្ពុជា។ ក្រុមហ៊ុនដែលបានចុះអនុស្សារណៈនៃការយោគយល់នៅថ្ងៃនេះ មកពីវិស័យ៤ធំៗ រួមមាន វិស័យម្ហូបអាហារ និងភេសជ្ជៈ វិស័យសម្លៀកបំពាក់ វិស័យថែរក្សាសម្រស់ និងវិស័យផ្គត់ផ្គង់គ្រឿងបរិក្ខាអេឡិចត្រូនិច។ ក្រុមហ៊ុន៥ធំៗដែលស្ថិតក្នុងវិស័យម្ហូបអាហារ និងភេសជ្ជៈ នឹងនាំយកនូវម៉ាកម្ហូបអាហារ និងភេសជ្ជៈល្បីៗចំនួន១០មកកាន់ មណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉លនេះ។ ម៉ាកទាំងនោះ រួមមានហាងមាន់បំពងMaster Grill, ហាងស៊ុប Master Suki Soup និងហាងប៊ូហ្វេ Sakura របស់ក្រុមហ៊ុន Master Group, ហាងលក់គ្រឿងសមុទ្រ Fun Crab, ហាងបឺហ្គឺរ Qyubies និង ហាងជប៉ុន Hiko Teppanyaki របស់ក្រុមហ៊ុន Fun Food Co., Ltd, ហាងលក់មុខម្ហូបអាស៊ី The Asian Kitchen និង ហាងនំបុ័ង Tous les Jours របស់ក្រុមហ៊ុន Yinkok Food Corp, ហាងជប៉ុន Yuzu...
