ព្រឹត្តិការណ៍
ចម្លាក់តោថ្មមួយ នៅប្រាសាទភ្នំក្រោម ត្រូវផ្គុំបំណែកឡើងវិញ តែជើងទាំង៤ បាត់បង់ទៅហើយ ! អ៊ីចឹងគេធ្វើបែបណា?
អាជ្ញាធរជាតិអប្សរា ជួសជុលចម្លាក់តោថ្មចំនួនមួយមានកម្ពស់ ១,៣៧ម៉ែត្រ ទទឹង៤៦សង់ទីម៉ែត្រ បែកបាក់បួនបំណែក និងបាត់បង់ជើងទាំង៤ ដែលចម្លាក់តោនេះ មានទីតាំងនៅខាងស្តាំ នៃជណ្តើរខាងលិចតួប៉មកណ្តាល ប្រាសាទភ្នំក្រោម ដោយត្រូវប្រើពេលប្រមាណ៦ខែ។ អ្នកជំនាញអភិរក្សថ្ម លោក ទ្រី ប៊ុនលី បានឱ្យដឹងថា ចម្លាក់តោនេះត្រូវបានរងការខូចខាតអស់ពេលជាយូរមកហើយដោយកត្តាផ្សេងៗ។ បំណែកតោនៅសេសសល់ ៤បំណែក មានក្បាលដងខ្លួន និងភ្លៅមុខខាងស្តាំ រួមទាំងជើងទម្រផង។...
