អតីតកីឡាករថ្នាលយុវជន របស់ជម្រើសជាតិបារាំងម្នាក់នៅថ្ងៃនេះ ត្រូវបានគេដឹងថាបានចូលរួមជាមួយនឹងក្លឹប របស់លោក Niko Kovac ជាផ្លូវការហើយ។ Monaco បានធ្វើការប្រកាសនេះជាផ្លូវការដោយបញ្ជាក់ថាកីឡាករ នឹងរស់នៅទីនេះជាមួយនឹងកុងត្រារយៈពេលវែងផងដែរ។
កីឡាករ Axel Disasi ត្រូវបានគេដឹងទៀតថាបានចូលរួមជាមួយនឹងក្លឹបបារាំង Monaco ក្នុងតម្លៃខ្លួនប្រមាណជា៣លានអ៊ឺរ៉ូឬប្រមាណជា១៥លានដុល្លារពីក្លឹប Reims ដោយប្រជែងយកឈ្នះក្លឹបជាច្រើនផ្សេងទៀតនៅ Ligue 1 ផងនិងជាពិសេសក្លឹបកាំភ្លើងធំ Arsenal ផង។
គួរឲ្យដឹងដែរថាកីឡាករវ័យ២២ឆ្នាំរូបនេះ ក៏ជាគោលដៅសំខាន់ផងដែរក្នុងនាមជាខ្សែការពារដ៏មានសក្តានុពល ពីសំណាក់ក្លឹបជាច្រើនទៀតដូចជា Wolves, Southampton និង Roma ផង៕
ប្រែសម្រួល៖ស៊ុនលី
