យើងបានដឹងហើយថាកីឡាករ ខ្សែប្រយុទ្ធឈីលី Alexis Sanchez ទើបតែត្រូវបានប្រកាសក្លាយខ្លួន ជាកីឡាករពេញសិទ្ធ ហើយរបស់ក្លឹបយក្សអ៊ីតាលី Inter Milan ជាផ្លូវការប៉ុន្តែទំនងជា នឹងត្រូវជួបបញ្ហារបួសសាជាថ្មីហើយ។
របួសរបស់ Sanchez ដែលទទួលបានពីការប្រកួតប៉ះនឹង Leverkusen កាលពីយប់មិញនឹងក្លាយជាបញ្ហា ប្រឈមធំបំផុតរបស់ Inter Milan នៅក្នុងការប្រកួត Europa League វគ្គបន្ទាប់គឺការប្រកួតពាក់ កណ្តាលផ្តាច់ព្រ័ត្រ។
ក្លឹប Inter Milan បានប្រកាសអំពីរបួស របស់កីឡាករខ្សែ ប្រយុទ្ធវ័យ៣១ឆ្នាំរូបនេះនៅលើបណ្តាញសង្គម Twitter ថាកីឡាករបានទទួលរងរបួសជើងស្តាំ៕
ប្រែសម្រួល៖ស៊ុនលី
