Logan Paul ដែលត្រូវគេស្គាល់ច្បាស់ថា ជាតារា YouTube, តារាសម្ដែង ជនជាតិអាមេរិក កំពុងត្រៀមខ្លួនយ៉ាងពេញទំហឹង ក្នុងការឡើងប្រកួត តទល់ជាមួយនឹង Floyd Mayweather។
បន្ទាប់ពីសម្រាកពីសង្វៀន រយៈពេលជាយូរ ពេលនេះកីឡាករ ប្រដាល់ដ៏ល្បី Floyd Mayweather បានចេញប្រកាសលើ Instagram ផ្លូវការ ថា ខ្លួន និងតារា YouTube ដ៏ល្បី Logan Paul នឹងឡើងសាកកម្លាំងគ្នា ក្នុងកម្មវិធីប្រកួតពិសេសនៅថ្ងៃទី២១ ខែកុម្ភៈ ឆ្នាំ ២០២១ខាងមុខ។
ការប្រកួតនេះកំពុងធ្វើឲ្យអ្នកគាំទ្រ ទន្ទឹងរង់ចាំថ្ងៃនោះមកដល់ ព្រោះវានឹងក្លាយជាព្រឹត្តិការណ៍អស្ចារ្យ ក្នុងប្រវត្តិសាស្ត្រវាយបុកមួយទៀត។ សម្រាប់ Logan Paul ទោះបីជា តារា YouTube ប៉ុន្តែលោកក៏ធ្លាប់មានប្រវត្តិប្រកួតប្រដាល់ពីមុនដែរ ៕
