ក្លឹប Chelsea ត្រូវបានសារព័ត៌មានជាច្រើន បានលើកឡើងថា ក្លឹបនេះបានត្រៀមលុយជាង ១១៣លានដុល្លារ ក្នុងការចែចូវចរចាចង់បាន ខ្សែបម្រើ Jadon Sancho ពីក្លឹប Borussia Dortmund សម្រាប់រដូវកាលក្ដៅខាងមុខ នេះបើយោងតាមការចុះផ្សាយរបស់ Daily Mail ។
បើតាមប្រភពខាងលើ Sacnho ជាកីឡាករម្នាក់ដែលលោក Thomas Tuchel អ្នកចាត់ការ Chelsea ពេញចិត្តខ្លាំងបំផុត ដែលជាហេតុនាំឲ្យក្លឹបនេះបានត្រៀមខ្លួនជាស្រេច ដើម្បីធ្វើការប្រកួតប្រជែង ជាមួយក្លឹបដទៃ ជាពិសេសគឺក្លឹប Manchester United ដែលកំពុងចង់បានខ្សែបម្រើនេះផងដែរ។
គួរបញ្ជាក់ផងដែរថា Sancho ជាកីឡាករទើបតែអាយុ២១ឆ្នាំ ដែលបានមកលេងឲ្យ Dortmund តាំងពីឆ្នាំ២០១៧មក ដោយចូលរួមលេងបាន ១៣៥ប្រកួត រកគ្រាប់បាល់បាន ៥០គ្រាប់ និងចប់កុងត្រាទៅវិញនៅថ្ងៃទី៣០ ខែមិថុនា ឆ្នាំ២០២៣ខាងមុខ៕ ប្រភព៖ សប្បាយ
