ខ្សែបម្រើប្រយុទ្ធ Arjen Robben បានប្រកាសព្យួរស្បែកជើង ជាលើកទីពីរ ក្នុងវ័យ៣៧ឆ្នាំ។
អតីតជម្រើសជាតិហូឡង់រូបនេះ ដំបូងឡើយ ធ្លាប់បានប្រកាសចូលនិវត្តន៍ម្ដងហើយ កាលពីឆ្នាំ២០១៩ មុនពេលសម្រេចចិត្ត ត្រឡប់មកលេងវិញចូលរួមជាមួយក្លឹប Groningen កាលពីរដូវកាលមុន ។
បញ្ហារបួសច្រើន និងជំងឺកូវីដ-១៩ កំពុងរាតត្បាតខ្លាំងរំខានដល់ការលេង បានធ្វើឲ្យ Robben សម្រេចចិត្តប្រកាសចូលនិវត្តន៍ម្ដងទៀត កាលពីម្សិលមិញ។ Robben ធ្លាប់ឈ្នះពាន Premier League ២ដង League Cup ២ដង និង FA Cup ម្ដងកាលលេងនៅ Chelsea ។ គេក៏ធ្លាប់លេងនៅ PSV Eindoven, Real Madrid និង Bayern Munich ផងដែរ ៕
