ខ្សែប្រយុទ្ធបារាំង Kylian Mbappe រំពឹងថាក្លឹប Real Madrid ចូលសួរនាំទិញយករូបគេពីក្លឹប Paris Saint Germain នៅរយៈពេលដ៏ខ្លីខាងមុខ នេះបើយោងតាមការចុះផ្សាយរបស់ Fotmob ក្នុងថ្ងៃនេះ។
សារព័ត៌មានជាច្រើនបានចុះផ្សាយកាលពីពេលថ្មីៗនេះថា Mbappe មិនព្រមបន្តកុងត្រាថ្មីជាមួយ PSG ឡើយ ព្រមទាំងបាននិយាយទៅកាន់ក្លឹបនេះថាគេចង់ចាក ដោយគេចង់ទៅលេងឲ្យក្លឹបណាផ្សេង ដែលគេចង់ទៅដោយគ្រប់គ្នាសុទ្ធតែស្គាល់ច្បាស់ថាជាក្លឹប Real Madrid នេះតែម្ដង។
យ៉ាងណាក្ដីខាង Real ក៏មានបំណងចង់បានខ្សែប្រយុទ្ធរូបនេះដែរ ប៉ុន្តែវិបត្តិកូវីដ-១៩នៅតែបន្តធ្វើឲ្យក្លឹបនេះមិនមានលទ្ធភាពគ្រប់គ្រាន់ក្នុងការទិញយក ដោយសារ PSG ទាមទារលុយជាង ១៧៧លានដុល្លារឯណោះទើបព្រមលក់ Mbappe ទៅឲ្យក្លឹបរបស់ខ្លួន។
គួរបញ្ជាក់ផងដែរថា Mbappe បានមកលេងឲ្យក្លឹប PSG តាំងពីឆ្នាំ២០១៧មក ដោយចូលរួមលេងបាន ១៧១ប្រកួត និងរកគ្រាប់បាល់បាន ១៣២គ្រាន់ ខណៈនឹងចប់កុងត្រាទៅវិញនៅឆ្នាំ២០២២ខាងមុខ៕
ប្រភព៖http://sabay
