ភ្នំពេញ៖ ក្រុមកីឡាការិនីប៉េតង់កម្ពុជា ប៉ះជាមួយក្រុមកីឡាការិនីប៉េតង់ទុយនីស៊ី នៅវគ្គ៨ក្រុមចុងក្រោយ នៃព្រឹត្តិការណ៍ការប្រកួតជើងឯកប៉េតង់ពិភពលោក “The 2021 World Triplets Precisions Shooting Championships ” នឹងមានការរៀបចំឡើង ចំនួន៣ជើងឯកពិភពលោក ចូលគ្នាតែម្តងនៅទីក្រុង Santa ប្រទេសអេស្ប៉ាញ ដែលប្រព្រឹត្តថ្ងៃទី១២ដល់ថ្ងៃទី១៩ ខែវិច្ឆិកា ឆ្នាំ២០២១។
លោក សុខ ម៉ុង គ្រូបង្វឹកនារី បានប្រាប់ឲ្យដឹងថា កីឡាការិនីមានចំនួន៤នាក់ គឺកីឡាការិនីរួមមានកីឡាការិនី អ៊ុក ស្រីមុំ កីឡាការិនី អ៊ុន ស្រីយ៉ា កីឡាការិនី ស្រ៊ាង សុរ៉ាឃីម និងកីឡាការិនី ឃួន យ៉ារី។ ចំណែកវិញ្ញាសាវាយយកពិន្ទុយើងឈ្នះមេដាយមាសគឺកីឡាការិនី អ៊ុក ស្រីមុំ ជាអតីតម្ចាស់មេដាយមាសពិភពលោក លើវិញ្ញសានារី១នាក់ទល់១នាក់។
ចំពោះវិញ្ញសា៣នាក់ ទល់៣នាក់ គឺកីឡាការិនី អ៊ុក ស្រីមុំ កីឡាការិនី អ៊ុន ស្រីយ៉ា កីឡាការិនី ស្រ៊ាង សុរ៉ាឃីម និងកីឡាការិនី ឃួន យ៉ារី ប្រកួតជាមួយក្រុមកីឡាការិនីប៉េតង់ទុយនីស៊ី ម៉ោង៨៖៣០ព្រឹកនៅអេស្ប៉ាញ ស្មើនឹងប្រហែលម៉ោង២ ឬ៣នៅប្រទេសកម្ពុជា។
បញ្ជាប់វិញ្ញាសានារី៣នាក់ ទល់៣នាក់ ធ្លាប់ទទួលបានមេដាយសំរិទ្ធ ជើងឯកប៉េតង់ពិភពលោក នៅប្រទេសចិន៕ ដោយ៖លី ភីលីព
