ក្រុមបាល់ទាត់ជម្រើសជាតិអេស្ប៉ាញ បានកៅអីឡើងទៅលេង នៅ World Cup 2022 នៅប្រទេសអេស្ប៉ាញហើយ ក្រោយពីពួកគេយកឈ្នះ លើក្រុមស៊ុយអែត ក្នុងលទ្ធផល ១-០។
អេស្ប៉ាញដែលប្រើប្រាស់ កីឡាករក្មេងៗច្រើន ក្នុងការលេងនោះ ឃើញថាពួកគេនៅតែធ្វើបានល្អដដែល។ ៤ប្រកួតចុងក្រោយជាប់គ្នា ក្នុងវគ្គសន្សំពិន្ទុនេះឃើញថា ពួកគេលេងឈ្នះទាំង៤ ជាពិសេសប្រកួតនៅយប់មិញ ដែលជាប្រកួតចុងក្រោយបានឈ្នះក្រុមស៊ុយអែត ១-០។ ជ័យជម្នះ៣ពិន្ទុនេះ ល្មមសម្រាប់ឱ្យអេស្ប៉ាញ ឈរនៅលេខ១ក្នុងពូល ដើម្បីបានកៅអី ឡើងទៅលេង World Cup 2022 នៅប្រទេសកាតាបានហើយ។
អ្វីដែលកាន់តែពិសេសថែមទៀត សម្រាប់ការប្រកួតយប់មិញ អេស្ប៉ាញគ្រប់គ្រងបាល់ បានច្រើនណាស់ និងបិទមិនឱ្យក្រុមស៊ុយអែតស៊ុត ឱ្យចូលគោលដៅបានទេ សូម្បីតែ១ជើង។ ស្ថិតិនេះបានបង្ហាញច្បាស់ថា អេស្ប៉ាញត្រៀមជាស្រេចហើយសម្រាប់ការប្រកួតប្រជែងបន្ទាប់ទៀត ជាពិសេសការលេង វគ្គ៣២ក្រុមចុងក្រោយ៕ Source: Sabay
