ទីក្រុងប៉េកាំង ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា អ្នករៀបចំព្រឹត្តិការណ៍ កីឡាអូឡាំពិក រដូវរងានៅទីក្រុងប៉េកាំងបាននិយាយថា វិធានការ ដើម្បីការពារការឆ្លង រវាង អត្តពលិក និងពិភពខាងក្រៅ កំពុងត្រូវបានពង្រីក ដល់ការទុកដាក់សំរាម របស់ពួកគេនៅខាង ក្នុងពពុះដែលបែងចែកទាំង២ ។
ក្រុមមន្ត្រីបាននិយាយថា ក្រុមកម្មករពិសេសនឹងត្រូវបានដាក់ពង្រាយ ដើម្បីប្រមូល និងផ្ទេរសំរាម នៅខាងក្នុងពពុះ ដើម្បីការពារហានិភ័យ នៃការលេចធ្លាយ មេរោគឆ្លងចូល ទៅក្នុងពិភពខាងក្រៅ ដោយសារតែការប្រកួត Beijing Games នឹង ចាប់ផ្ដើមនៅថ្ងៃទី ៤ ខែកុម្ភៈ ។ លោក Ma Boyang ទទួលបន្ទុក ផែនការ និងប្រតិបត្តិការ ភូមិអូឡាំពិក បាននិយាយថា កាកសំណល់ នឹងត្រូវរក្សាទុកនៅកន្លែង ស្តុកទុកបណ្តោះអាសន្ន ដើម្បីផ្ទេរនៅពេលក្រោយ សម្រាប់ដំណើរការកណ្តាល ។
ប្រទេសចិនបានសង្កត់ធ្ងន់ ពីលទ្ធភាព នៃមេរោគឆ្លងទៅលើវត្ថុគ្មានជីវិត ជាពិសេសអាហារក្លាសេ ។ អ្នកជំនាញភាគច្រើន បានច្រានចោលនូវលទ្ធភាព នៃការឆ្លង តាមរយៈបណ្តាញ បែបនេះ ដោយនិយាយថា ការវេចខ្ចប់មានដានមេរោគត្រឹម តែមួយនាទីប៉ុណ្ណោះ ភាគច្រើនទំនងជាដាក់ នៅទីនោះដោយកម្មករ ។
ជាមួយនឹងការរីករាលដាល នៃវ៉ារ្យ៉ង់មេរោគថ្មី omicron ក្តីបារម្ភបានងាកទៅរកការការពារ ការឆ្លងមេរោគក្នុងចំណោម អត្តពលិកដែលអាចនាំឲ្យនៅដាច់ពី គេរហូតដល់៥សប្តាហ៍។ លោក Yan Jiarong អ្នកនាំពាក្យគណៈកម្មាធិការរៀបចំ បាននិយាយថា អាជ្ញាធរសុខាភិបាល កំពុងបន្តតាមដានស្ថានការណ៍ ប៉ុន្តែជឿថា វិធានការបង្ការដែលពាក់ព័ន្ធ នៅក្នុងសៀវភៅណែនាំសម្រាប់ការបង្ការជំងឺ រាតត្បាតបានឆ្លងកាត់ការវាយតម្លៃ តាមបែបវិទ្យាសាស្ត្រ យ៉ាងម៉ត់ចត់ និងមានប្រសិទ្ធភាពក្នុងការធានាសុវត្ថិភាព និងការការពារការរីករាលដាល នៃមេរោគឆ្លងការរាតត្បាត ៕ ដោយ៖លី ភីលីព
