ទីក្រុងប៉េកាំង៖ ប្រទេសចិន កំពុងទាមទារឲ្យសហរដ្ឋអាមេរិក បញ្ចប់ការជ្រៀតជ្រែក ការប្រកួតកីឡាអូឡាំពិករដូវរងា នៅទីក្រុងប៉េកាំង ដែលចាប់ផ្តើមនៅខែក្រោយនេះ ហើយនិយាយជាក់ស្តែងមួយ ចំពោះការធ្វើពហិការការទូត ដោយទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន យោងតាមការចេញផ្សាយ ពីគេហទំព័រជប៉ុនធូដេ។
ក្រសួងការបរទេសបាននិយាយថា លោករដ្ឋមន្ត្រី Wang Yi បានធ្វើការទាមទារ នៅក្នុងការសន្ទនាតាមទូរស័ព្ទ ជាមួយរដ្ឋមន្ត្រីការបរទេសអាមេរិក លោក Antony Blinken កាលពីថ្ងៃព្រហស្បតិ៍ ម៉ោងនៅទីក្រុងប៉េកាំង។ សហរដ្ឋអាមេរិក បាននិយាយថា ខ្លួននឹងមិនបញ្ជូនឥស្សរជនចូលរួម ព្រឹត្តិការណ៍កីឡាចាប់ផ្តើមនៅថ្ងៃទី ៤ ខែកុម្ភៈ សម្រាប់ការតវ៉ា ជុំវិញការឃុំខ្លួន របស់ប្រទេសចិន លើជនជាតិ Uyghur Muslim ជាង ១លាននាក់ ក្នុងតំបន់ភាគពាយ័ព្យ នៃ Xinjiang រួមជាមួយនឹងការបង្ក្រាប លើសិទ្ធិមនុស្សនៅកន្លែងផ្សេងទៀត ក្នុងប្រទេស។
ការធ្វើពហិការមិនរារាំងអត្តពលិកអាមេរិក ពីការចូលរួមការប្រកួតនោះទេ ត្រូវបានប្រារព្ធឡើង ក្រោមការរឹតបន្តឹងយ៉ាងតឹងរ៉ឹង ប្រឆាំងនឹងជំងឺរាតត្បាត។ ប្រទេសចិនក៏បានតវ៉ា ចំពោះអ្វីដែលខ្លួននិយាយថា ជាការអំពាវនាវដល់ក្រសួងការបរទេស ដើម្បីដកបុគ្គលិក និងអ្នកនៅក្នុងបន្ទុករបស់ពួកគេ ចេញពីស្ថានទូត និងស្ថានកុងស៊ុលជុំវិញប្រទេសចិន ជុំវិញការរឹតបន្តឹងនេះ។
យោងតាមសេចក្តីប្រកាសព័ត៌មាន ដែលបានបង្ហោះនៅលើគេហទំព័រ របស់ក្រសួង លោក Wang ក៏បានអំពាវនាវឲ្យបញ្ចប់ការគាំទ្រ របស់សហរដ្ឋអាមេរិក សម្រាប់តៃវ៉ាន់ដែលគ្រប់គ្រងដោយខ្លួនឯង ដោយចិនអះអាងថា ជាទឹកដីរបស់ខ្លួន។លោក Wang ក៏បានត្អូញត្អែរថា សហរដ្ឋអាមេរិក មិនបានផ្លាស់ប្តូរគោលនយោបាយ និងសេដ្ឋកិច្ចដ៏តឹងតែង ចំពោះប្រទេសចិន ក្រោមការគ្រប់គ្រងរបស់ប្រធានាធិបតី Joe Biden នោះទេ បើទោះបីជាខ្លួនបានសម្តែងក្តីប្រាថ្នា ចង់បានទំនាក់ទំនង មិនសូវប្រឈមមុខគ្នាក៏ដោយ។
ការហៅទូរស័ព្ទនេះធ្វើឡើង បន្ទាប់ពីការតែងតាំងអ្នកការទូតជើងចាស់ លោក Nicholas Burns ជាឯកអគ្គរដ្ឋទូតសហរដ្ឋអាមេរិកថ្មី ប្រចាំប្រទេសចិន ជាមុខតំណែងដែលនៅទំនេរ អស់រយៈពេលមួយឆ្នាំ៕ ដោយ៖លី ភីលីព
