The Goal ចេញផ្សាយនៅថ្ងៃនេះបានឲ្យដឹងថា ក្លឹបយក្សអាល្លឺម៉ង់ Bayern Munich បានបង្ហាញអំពីបំណង ចង់ផ្តល់តម្លៃខ្លួនឲ្យកីឡាករ Sadio Mane ប្រមាណជា៣០លានអឺរ៉ូ ឬប្រមាណជា២៦លានផោន ដើម្បីផ្ទេរកីឡាកររូបនេះចេញពី Liverpool។
The Sky Sports ក៏បានចេញផ្សាយស្រដៀងគ្នាដែរថា នៅអាល្លឺម៉ង់ក្លឹបមួយនេះ បានធ្វើឲ្យសារព័ត៌មានជាច្រើន ក្នុងស្រុកជឿជាក់បានថា នឹងអាចចរចាបានសម្រេចនាំយក កីឡាកររូបនេះមកពីអង់គ្លេស បានសម្រេចនៅក្នុងរដូវក្តៅនេះ ហើយព្រមជាមួយនឹងប្រាក់កម្រៃបន្ថែម ពិសេស៩លានផោនផងដែរ សម្រាប់កីឡាករ។
ក្រៅពីនោះគេបានដឹងទៀតដែរថា ក្លឹបនឹងអាចផ្តល់កុងត្រា ដែលមានសុពលភាព រយៈពេល៣ឆ្នាំចំពោះ Mane ខណៈដែលកន្លងមកកីឡាករ ពេលបរាជ័យពាន Champions League បានអះអាងថានឹងចាកចេញ ពីក្លឹបអង់គ្លេសនេះហើយ៕ ប្រែសម្រួល៖ស៊ុនលី
