The Goal ចេញផ្សាយនៅថ្ងៃនេះ បានឲ្យដឹងថា ក្លឹបបិសាចក្រហម Man UTD គឺបានត្រៀមខ្លួនរួចទៅហើយ ក្នុងការបោះបង់ការ តាមចែចង់កីឡាករខ្សែប្រយុទ្ធ ឆ្នើមរបស់ក្លឹប Benfica ដែលមានឈ្មោះថា Darwin Nunez នោះហើយពីព្រោះថា មិនចង់ធ្វើការប្រជែង ជាមួយនឹង Liverpoolឡើយ ។
មកដល់ពេលនេះ Liverpool គឺជាក្លឹបដែលមានភាពនាំមុខគេ ក្នុងការប្រជែងយកកីឡាករ Nunez រូបនេះខណៈដែល Man UTD ក៏ចង់បាន Nunez វ័យ២២ឆ្នាំរូបនេះដូចគ្នា ប៉ុន្តែជឿជាក់ថា ការប្រជែងជាមួយនឹង Liverpool នៅរដូវក្តៅនេះហាក់ដូចជា នឹងមិនទទួលបានលទ្ធផលល្អឡើយ។
គេជឿជាក់ថា Liverpool មានទំនុកចិត្តយ៉ាងខ្លាំងថា នឹងអាចផ្ទេរកីឡាករអ៊ុយរ៉ាហ្គាយរូបនេះ មកជំនួសតំណែងរបស់ Sadio Mane ដែលបានអះអាងហើយថា នឹងមិនបន្តជាមួយនឹង Anfield ទៀតឡើយ ហើយក្នុងនោះ Liverpool ក៏បានត្រៀមកញ្ចប់លុយ ប្រមានជា៧៥លានផោន ហើយផងដែរសម្រាប់ Nunez៕
ប្រែសម្រួល៖ស៊ុនលី
