ញូវយ៉ក ៖ លោក Roger Federer ត្រៀមខ្លួនចូលនិវត្តន៍ ពីកីឡាវាយកូនបាល់ អាជីព នៅអាយុ ៤១ ឆ្នាំ បន្ទាប់ពីការវះកាត់ជង្គង់ ជាបន្តបន្ទាប់ អាចបញ្ចប់អាជីព ដែលលោកបាន ឈ្នះពានរង្វាន់ Grand Slam ចំនួន ២០ បានបញ្ចប់រដូវកាល ចំនួន ៥ជាប់ចំណាត់ថ្នាក់លេខ ១ និងបានបង្កើត យុគសម័យមាស នៃ កីឡាវាយកូនបាល់បុរស ជាមួយនឹងគូប្រជែង Rafael Nadal និង Novak Djokovic យោងតាមការ ចេញផ្សាយពីគេហទំព័រ ជប៉ុនធូដេ ។
កីឡាករវាយកូនបាល់ Federer បានបង្ហោះនូវអ្វីដែលលោកហៅថា ការសម្រេចចិត្តដ៏ជូរចត់ តាមរយៈសេចក្តីថ្លែងការណ៍ ជាលាយលក្ខណ៍អក្សរ និងវីដេអូឃ្លីបមួយ កាលពីថ្ងៃព្រហស្បតិ៍ តិចជាង២សប្តាហ៍ បន្ទាប់ពីម្ចាស់ជើងឯកធំ ២៣ សម័យ Serena Williams បានលេងល្អត្រូវគេរំពឹងថា ជាការប្រកួតចុងក្រោយ នៃអាជីពរបស់នាង ។
រួមបញ្ចូលគ្នា ការចាកចេញដោយអត្តពលិកដ៏អស្ចារ្យបំផុត២នាក់ ក្នុងប្រវត្តិសាស្ត្រកីឡា របស់ពួកគេតំណាងឲ្យការប្រែក្លាយទំព័រ ដ៏សំខាន់មួយ។ លោក Federer មានស្រុកកំណើត នៅស្វ៊ីសបាននិយាយថា ៣ឆ្នាំកន្លងមកនេះបានបង្ហាញឲ្យខ្ញុំនូវបញ្ហាប្រឈមក្នុងទម្រង់នៃការរងរបួស និងការវះកាត់។ ខ្ញុំបានខិតខំប្រឹងប្រែង ដើម្បីត្រឡប់ទៅរកទម្រង់ប្រកួតប្រជែង ពេញលេញវិញ ប៉ុន្តែខ្ញុំក៏ដឹងពីសមត្ថភាព និងដែនកំណត់របស់រាងកាយខ្ញុំ ហើយសាររបស់វាប្រាប់ខ្ញុំ នាពេលថ្មីៗនេះបានច្បាស់ ។
លោក Federer មិនបានប្រកួតនៅកន្លែងណាទេ ចាប់តាំងពី Wimbledon កាល ខែកក្កដា ឆ្នាំ២០២១ ហើយដូច្នេះហើយព័ត៌មាន របស់ឲ្យមិន គួរឲ្យភ្ញាក់ផ្អើលនោះទេ។ ប៉ុន្តែលោកបានបង្ហាញខ្លួន ក្នុងព្រឹត្តិការណ៍មួយ ដែលប្រារព្ធខួប ១00 ឆ្នាំនៃ Center Court នៅក្លឹប All England ក្នុងខែកក្កដានេះ ហើយបាននិយាយថា លោកសង្ឃឹមថា នឹងត្រឡប់ទៅលេងនៅទីនោះម្តងទៀត ៕ ដោយ៖លី ភីលីព
