The Daily Mail ចេញផ្សាយនៅថ្ងៃនេះបានឲ្យដឹងថា ក្លឹបយក្សអេស្បាញ Real Madrid ទីបំផុតគឺបានសម្រេចចិត្ត ដកខ្លួនចេញពីការព្យាយាម នៅរដូវក្តៅនេះហើយ ដើម្បីនាំយកកីឡាករខ្សែបម្រើ Declan Rice ដែលបច្ចុប្បន្នកំពុងលេងឲ្យក្លឹប West Ham។
ការសម្រេចចិត្តរបស់ Real Madrid ត្រូវបានធ្វើឡើងបន្ទាប់ពី កីឡាករអង់គ្លេសរូបនេះបានបញ្ជាក់ច្បាស់ ហើយអំពីបំណងប្រាថ្នារបស់គាត់ ក្នុងការបន្តលេងនៅអង់គ្លេសទៀត ហើយបើជាមួយក្លឹបថ្មីនោះគឺក្លឹបកាំភ្លើងធំ Arsenal ប៉ុណ្ណោះជាមួយនឹងគ្រូបង្វឹកលោក Mikel Arteta។
កាំភ្លើងធំ Arsenal បានដាក់គោលដៅ យ៉ាងច្បាស់លាស់ហើយថា កីឡាករវ័យ២៤ឆ្នាំរូបនេះ គឺជាអទិភាពសម្រាប់រដូវក្តៅនេះ ដើម្បីអាចមកចាប់ដៃគូគ្នាលេង នៅតំបន់បម្រើការពារជាមួយនឹង កីឡាករឆ្នើមដូចជា Granit Xhaka និងកីឡាករ Thomas Partey៕
ប្រែសម្រួល៖ ស៊ុន លី
