ទីក្រុង ៖ទីក្រុង Wuxi ក្នុងខេត្ត Jiangsu ភាគខាងកើតប្រទេសចិន ត្រូវបានប្រកាសថា ជាទីក្រុងម្ចាស់ផ្ទះ នៃការប្រកួតកីឡាតេក្វាន់ដូជើងឯកពិភពលោកឆ្នាំ ២០២៥ “2025 World Taekwondo Championships” ក្នុងកិច្ចប្រជុំក្រុមប្រឹក្សាប្រតិបត្តិសហព័ន្ធកីឡា តេក្វាន់ដូពិភពលោក ដែលបានធ្វើឡើងនៅថ្ងៃទី ២៨ ខែឧសភា នៅទីក្រុងបាគូ រដ្ឋធានីនៃប្រទេស Azerbaijan ។
ទីក្រុងចំនួន ៤ បានដាក់ពាក្យធ្វើជាម្ចាស់ផ្ទះការ ប្រកួតកីឡាតេក្វាន់ដូជើងឯកពិភពលោកឆ្នាំ ២០២៥ ក្រៅពី Wuxi បេក្ខជនផ្សេងទៀតរួមមាន Charlotte សហរដ្ឋអាមេរិក Zagreb ក្រូអាស៊ី និង Sofia ប៊ុលហ្គារី។
លោក Choue Chung-won ប្រធាន WT បានកត់សម្គាល់ថា ក្រុមប្រឹក្សាប្រតិបត្តិជឿជាក់ថា ទីក្រុង Wuxi នឹងផ្តល់ឲ្យអ្នកគាំទ្រកីឡាតេក្វាន់ដូទូទាំងពិភពលោកដ៏មានតម្លៃ នូវការប្រកួតជើងឯកតេក្វាន់ដូពិភពលោក ហើយថា ពួកគេទន្ទឹងរង់ចាំព្រឹត្តិការណ៍នេះ។
ទីក្រុង Wuxi ត្រូវបានជ្រើសរើសដោយសារតែខ្លួនគ្រោងនឹងអញ្ជើញសមាជិក ២០០ នាក់នៃ WT ឲ្យចូលរួមការប្រកួតប្រជែង។
កាលពី ៥ ឆ្នាំមុន ទីក្រុង Wuxi បានទទួលជោគជ័យក្នុងការដាក់ពាក្យធ្វើជាម្ចាស់ផ្ទះឆ្នាំ ២០២១ ដោយសារជំងឺរាតត្បាត ព្រឹត្តិការណ៍កីឡាបានបញ្ចប់ទៅនៅទីក្រុង Guadalajara ប្រទេសម៉ិកស៊ិក។
ការប្រកួតកីឡាតេក្វាន់ដូជើងឯកពិភពលោកឆ្នាំ ២០២៣ បានចាប់ផ្តើមនៅទីក្រុងបាគូកាលពីថ្ងៃទី ២៩ ខែឧសភា។
ប្រទេសចិនបានបញ្ជូនអត្តពលិកចំនួន ១៦ នាក់ទៅចូលរួមក្នុងការប្រកួតនេះ ដែលភាគច្រើនទទួលបានពិន្ទុគ្រប់ ដើម្បីចូលរួមក្នុងការប្រកួតកីឡាអូឡាំពិកឆ្នាំ ២០២៤ នៅទីក្រុងប៉ារីស ក្នុងព្រឹត្តិការណ៍ World Taekwondo Grand Slam Championship Series ដែលបានធ្វើឡើងកាលខែមេសា នៅ Wuxi៕ ដោយ៖លីភីលីព
