ប្រធានអាជ្ញាកណ្ដាល របស់ English Premier League លោក Howard Webb បាននិយាយថា មានក្លឹបមួយក្នុងចំណោមក្លឹបទាំង២០បានបោះឆ្នោតឲ្យមានការបញ្ឈប់ការប្រើប្រាស់ VAR ឬ video assistant referee ខណៈក្លឹប១៩ផ្សេងទៀតពេញចិត្តបន្តឲ្យមានការប្រើប្រាស់វា។
Wolverhampton Wanderers ជាក្លឹបដែលបោះឆ្នោតឲ្យបញ្ឈប់ការប្រើប្រាស់ VAR ខណៈក្លឹប១៩ផ្សេងទៀតនៅ English Premier League បោះឆ្នោតឲ្យបន្តប្រើវា។ ដោយការបោះឆ្នោតនេះបានធ្វើវាកាលពីខែកក្កដា ឆ្នាំ២០២៤។ ប្រធានអាជ្ញាកណ្ដាលខាងលើបានពន្យល់ថា រដូវកាលនេះ VAR បានជួយដល់ការកាត់ក្ដីរបស់អាជ្ញាកណ្ដាលបានប្រហែលជា៨០% ខណៈនោះមាន៣១លើកដែលបានកាត់ក្ដីខុសក្នុងរដូវកាល២០២៣-២០២៤នេះ។
លោកបន្ថែមថា បើគិតមកដល់ពេលនេះការប្រើប្រាស់ VAR ឬ video assistant referee មានរយៈពេល៥ឆ្នាំមកហើយនៅ English Premier League ប៉ុន្តែបើមើលទៅការគ្រប់គ្រងប្រព័ន្ធ និងការប្រើប្រាស់វានៅតែត្រូវការការពិភាក្សាឬសិក្សាបន្ថែមទៀត ដើម្បីឲ្យកាន់តែមានភាពប្រសើរឡើង និងស៊ីចង្វាក់គ្នាបានល្អ៕
