បច្ចេកវិទ្យា

មនុស្សយន្ត មានដៃចេញស្វាគមន៍ អ្នកជំងឺកូរ៉ូណា នៅក្នុងសណ្ឋាគារ នៅប្រទេសជប៉ុន ជាលើកដំបូង

តូក្យូ៖ អ្នកជំងឺកូរ៉ូណា ដែលមានរោគសញ្ញាស្រាលៗ មកស្នាក់ក្នុងសណ្ឋាគារ ទីក្រុងតូក្យូ ទំនងជាទទួលបាន ការភ្ញាក់ផ្អើល បន្ទាប់ពួកគេ បានឃើញមនុស្សយន្ត Pepper នៅបន្ទប់រង់ចាំ ដើម្បីស្វាគមន៍ យោងតាមការចេញផ្សាយ ពីគេហទំព័រជប៉ុនធូដេ។

ប្រទេសជប៉ុន កំពុងប្រើប្រាស់សណ្ឋាគារ ដើម្បីដាក់អ្នកជំងឺ ដែលបានធ្វើតេស្ត៍​រកមេរោគ វីរុសកូរ៉ូណារួច ប៉ុន្តែវាមានអាការៈស្រាលពេក ត្រូវការសម្រាកព្យាបាល នៅមន្ទីរពេទ្យ ហើយនៅទីក្រុងតូក្យូ បានដាក់មនុស្សយន្ត ដើម្បីជួយសម្រាលបន្ទុក ដល់គិលានុបដ្ឋាយិកា។

មនុស្សយន្ត មានភ្នែកធំមួយឈ្មោះថា Pepper ដោយមានពាក់ម៉ាស ការពារបានត្រឹមត្រូវ ឈររង់ចាំស្វាគមន៍ ភ្ញៀវទេសចរ។ វានិយាយដោយសំឡេងថា “សូមពាក់ម៉ាសនៅខាងក្នុង” ។ “ខ្ញុំសង្ឃឹមថាអ្នកនឹងជាសះស្បើយ ឲ្យបានឆាប់តាមដែលអាច ធ្វើទៅបាន ។

សារផ្សេងទៀតរួមមាន “ខ្ញុំអធិស្ឋានការរីករាលដាល នៃជំងឺនេះត្រូវបានផ្ទុក ឲ្យបានឆាប់តាមដែលអាចធ្វើទៅបាន” “សូមចូលរួមជាមួយដួងចិត្តរបស់យើង ហើយឆ្លងកាត់ជាមួយគ្នា” និង “ខ្ញុំកំពុងលើកទឹកចិត្តអ្នក! សូមសម្រាកឲ្យបានច្រើន ខណៈពេលដែលអ្នកនៅទីនេះ ហើយងើបឡើងវិញ! “

Pepper មិនមែនជាមនុស្សយន្តតែម្នាក់គត់ ដែលធ្វើការនៅក្នុងសណ្ឋាគារ នៅតំបន់ Ryogoku នៃទីក្រុងតូក្យូ។ មនុស្សយន្តស្រីស្អាតឈ្មោះWhiz មានបំពាក់​នូវបញ្ញាសិប្បនិម្មិតចុងក្រោយ ត្រូវបានគេដាក់ពង្រាយ ដើម្បីសម្អាតផ្នែកជាច្រើន នៃសណ្ឋាគារ រួមទាំងតំបន់ក្រហម៕ ដោយ៖លី ភីលីព

Most Popular

To Top