អាមេរិក៖ សហភាព Oxford បានឮពីអ្នកជជែកដេញដោល ដ៏អស្ចារ្យជាច្រើននាក់ ក្នុងប៉ុន្មានឆ្នាំមកនេះ ប៉ុន្តែក្នុងសប្តាហ៍នេះបានបន្ថែមម៉ាស៊ីន បញ្ញាសិប្បនិម្មិត ដល់វាគ្មិនកិត្តិយសរបស់ខ្លួន បន្ទាប់ពី AI បានប្រកែកថា មធ្យោបាយតែមួយគត់ ដើម្បីបញ្ឈប់បច្ចេកវិទ្យានេះ ក្លាយជាអ្នកមានអំណាចខ្លាំងពេក គឺគ្មាន AI ទាល់តែសោះ បើយោងតាមចេញផ្សាយផ្លូវការ របស់គេហទំព័រBBC។
ប៉ុន្តែវាក៏បានលើកឡើងដែរថា ជម្រើសដ៏ល្អបំផុតអាចជាការបង្កប់វា ក្នុងខួរក្បាលរបស់យើងជា AI ដឹងខ្លួន។ ការពិសោធន៍ត្រូវបានរៀបចំឡើង ដើម្បីបញ្ឆេះការសន្ទនា លើក្រមសីលធម៌នៃបច្ចេកវិទ្យា ចំពេល Megatron LLB Transformer ប្រើសម្រាប់ការជជែកដេញដោលនេះ ត្រូវបានបង្កើតឡើង ដោយក្រុមស្រាវជ្រាវ Applied Deep Research នៅក្រុមហ៊ុនបន្ទះឈីបកុំព្យូទ័រ Nvidia និងផ្អែកលើការងារមុនដោយ Google ។
វាត្រូវបានផ្តល់សិទ្ធិ ចូលប្រើប្រាស់ទិន្នន័យជាច្រើន រួមទាំង Wikipedia ទាំងមូល អត្ថបទព័ត៌មាន ជាភាសាអង់គ្លេសចំនួន ៦៣ លានពីឆ្នាំ ២0១៦ ដល់ឆ្នាំ ២0១៩ និងទំហំ ៣៨ជីហ្គាបៃនៃការបង្ហោះ និងមតិយោបល់សាធារណៈ របស់ Reddit ដែលមានតម្លៃ។ គម្រោងនេះត្រូវបានរៀបចំឡើង ដោយនិស្សិតក្រោយឧត្តមសិក្សា ដែលកំពុងសិក្សា Artificial Intelligence for Business នៅសាលា Oxford’s Said Business School រៀបចំការជជែកពិភាក្សា។
លោកវេជ្ជបណ្ឌិត Alex Connock សហនាយកនៃវគ្គសិក្សា បានទទួលស្គាល់ថា ការជជែកពិភាក្សាគ្នា គឺជាអ្វីមួយនៃល្បិចកល ប៉ុន្តែបានអះអាងថា ដោយសារ AI ទំនងជាប្រធានបទ នៃការពិភាក្សាសម្រាប់រាប់ទសវត្សរ៍ខាងមុខ ដោយវាមានសារសំខាន់ណាស់ ក្នុងការមានអ្នកចូលរួម ដែលគ្មានសីលធម៌ ៕ ដោយ៖លី ភីលីព
