កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា នាថ្ងៃទី៥ ខែសីហា ឆ្នាំ២០២២ តារា YouTuber ដ៏ល្បីល្បាញរបស់កូរ៉េខាងត្បូង នាង Yuniversal ឈ្មោះពិត Kim Ji Yoon ត្រូវបានគេបង្ហាញថា បានទទួលមរណភាព។
រូបថតនៃពិធីបុណ្យសព Youtuber ជាទីស្រលាញ់ត្រូវបានបង្ហោះ នៅលើបណ្តាញផ្សព្វផ្សាយសង្គមយក្សអាមេរិក Instagram របស់នាងដែលធ្វើឲ្យអ្នកគាំទ្រ និងអ្នកទស្សនាមានការភ្ញាក់ផ្អើល។ មូលហេតុនៃការស្លាប់របស់នាង នៅមិនទាន់ដឹងនៅឡើយទេ ប៉ុន្តែនាងត្រូវបានគេរាយការណ៍ថា នាង បានស្លាប់កាលពីម្សិលមិញនៅថ្ងៃទី៤ ។
កាលពីខែមករាកន្លងទៅនេះ នាង Yuniversal បានបង្ហាញថា នាងកំពុងទទួលបានការគំរាមកំហែង ពីមនុស្សដែលមិនបានបញ្ជាក់ដោយនិយាយថា ខ្ញុំបានចំណាយពេលជារៀងរាល់ថ្ងៃលេបថ្នាំ ទទួលការប្រឹក្សា និងធ្វើលំហាត់ប្រាណ ដើម្បីរំងាប់ការថប់បារម្ភរបស់ខ្ញុំ។
ចូលរួមរម្លែកទុក្ខដល់មិត្តភក្តិ និងក្រុមគ្រួសាររបស់ Yuniversal ៕ ដោយ៖លី ភីលីព
