តូក្យូ៖ក្រុមហ៊ុន Honda Motor Co បាននិយាយកាលពីថ្ងៃពុធថា ខ្លួននឹងសហការជាមួយក្រុមហ៊ុន IBM Corp លើការអភិវឌ្ឍន៍ឧបករណ៍អេឡិចត្រូនិក និងសូហ្វវែរសម្រាប់យានយន្ត នាពេលអនាគតដោយប្រើប្រាស់ បច្ចេកវិទ្យាបញ្ញាសិប្បនិម្មិត។
គម្រោងរួមគ្នារវាងក្រុមហ៊ុនផលិត រថយន្តជប៉ុន និងក្រុមហ៊ុនបច្ចេកវិទ្យា របស់អាមេរិក ជាផ្នែកមួយ នៃកិច្ចខិតខំប្រឹងប្រែង របស់ពួកគេដើម្បីឆ្លើយតបទៅ នឹងតម្រូវការកើនឡើង នៃយានយន្តដែលបំពាក់ដោយកម្មវិធីផ្សេងៗ ឲ្យមានប្រសិទ្ធភាពខ្ពស់ ចាប់ពីមុខងារបើកបរដោយខ្លួនឯង រហូតដល់ប្រព័ន្ធកម្សាន្ត។
ក្រុមហ៊ុនផលិតរថយន្តបានបន្តថា ក្រុមហ៊ុនទាំង២ បានចុះហត្ថលេខាលើអនុស្សរណៈ នៃការយោគយល់គ្នាលើកិច្ច សហប្រតិបត្តិការរយៈពេលវែង មានបំណងអភិវឌ្ឍបច្ចេកវិទ្យាកុំព្យូទ័រ ជាមួយនឹងដំណើរការដំណើរ ការឈានមុខគេលើពិភពលោក និងសមត្ថភាពសន្សំ សំចៃថាមពល។
ក្រុមហ៊ុន Honda បានបន្ថែមថា រថយន្តគ្រប់គ្រង ដោយកម្មវិធី អាចធ្វើបច្ចុប្បន្នភាពជាប្រចាំតាមរយៈការទំនាក់ទំនងឥតខ្សែ ត្រូវបានគេរំពឹងថា នឹងក្លាយជាតួអង្គសំខាន់ ក្នុងឧស្សាហកម្មនៅប៉ុន្មានឆ្នាំខាងមុខ ដោយបញ្ជាក់ពីតម្រូវការសម្រាប់បន្ទះឈីបមានប្រសិទ្ធភាពខ្ពស់ និងបច្ចេកវិទ្យាផ្សេងទៀត ដើម្បីគាំទ្រដល់ការអភិវឌ្ឍន៍នៃកម្មវិធីត្រូវគេហៅថា យានយន្តដែលបានកំណត់។
នេះបើយោងតាមក្រុមហ៊ុន Honda បាននិយាយថា តំបន់ នៃការស្រាវជ្រាវរួមគ្នាមានសក្តានុពល នៃបច្ចេកវិទ្យា Semiconductor រួមមានការបំផុសគំនិត ដោយខួរក្បាល ដែលជាស្ថាបត្យកម្មកុំព្យូទ័រ និងក្បួនដោះស្រាយ ដែលធ្វើត្រាប់តាមរចនាសម្ព័ន្ធខួរក្បាល ។
ក្រុមហ៊ុនផលិតរថយន្តជប៉ុន ដែលធ្លាប់ស្គាល់ថា ចង់ទៅតែម្នាក់ឯង នៅពេល និយាយអំពីបច្ចេកវិទ្យានោះ កំពុងបង្កើនកិច្ចសហប្រតិបត្តិការ ជាមួយក្រុមហ៊ុនផ្សេងទៀត ក្នុងរយៈពេលប៉ុន្មានឆ្នាំចុងក្រោយនេះ ខណៈការផ្លាស់ប្តូរទៅរថយន្តអគ្គិសនី បង្កើនល្បឿនក្នុងឧស្សាហកម្មនេះ ។
ក្រុមហ៊ុន Honda បាននិយាយ កាលពីខែមីនាថា ខ្លួននឹងចាប់ផ្តើមការសិក្សាលទ្ធភាពជាមួយ Nissan Motor Co ជាក្រុមហ៊ុនប្រមូលផ្ដុំរបស់ខ្លួន សម្រាប់ភាពជាដៃគូយុទ្ធសាស្ត្រក្នុងការផលិត EV និងបច្ចេកវិទ្យាសូហ្វវែរ ក្នុងគោលបំណង កាត់បន្ថយថ្លៃដើម និងបង្កើនការប្រកួតប្រជែង ក្នុងការប្រឈមមុខនឹងគូប្រជែង នៅក្រៅប្រទេសដ៏មានឥទ្ធិពលដូចជា Tesla Inc. និង ក្រុមហ៊ុន BYD របស់ប្រទេសចិន៕
ដោយ៖លី ភីលីព
