បារាំង ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា ទោះបីជាគន្លងផែនដី ជុំវិញ ព្រះអាទិត្យមិនមែនជា រង្វង់ដ៏ល្អឥតខ្ចោះ នាពេលបច្ចុប្បន្ននេះក៏ដោយ ក៏ជួនកាលវាកាន់តែរាងពងក្រពើ ធ្វើឲ្យរដូវកាន់តែប្លែក ហើយការសិក្សាថ្មី មួយបានរកឃើញថា វាបានជះឥទ្ធិពលដល់ ការវិវត្តន៍ជីវសាស្ត្រ ។
អ្នកវិទ្យាសាស្ត្រអាច រកឃើញផលប៉ះពាល់ ដោយសារសារាយមីក្រូទស្សន៍ ដែលគេស្គាល់ថាជា Coccolithophores ដែលបង្កើតជាបន្ទះថ្ម កំបោរតូចៗ នៅជុំវិញកោសិកាតែមួយរបស់ពួកគេ។ នៅពេល Coccolithophores ស្លាប់ ពួកវាលិចទៅបាតសមុទ្រ ដែលសម្បកតូចៗទាំងនេះ ប្រមូលផ្តុំនៅក្នុងដីល្បាប់ ដោយផ្តល់នូវកំណត់ត្រាដ៏ស្មោះត្រង់ និងលម្អិតនៃរបៀបពួកវាវិវត្តន៍ ទៅតាមសម័យកាលភូមិសាស្ត្រ ។
អ្នកវិទ្យាសាស្ត្រ ដែលដឹកនាំ ដោយក្រុមនៅមជ្ឈមណ្ឌលស្រាវជ្រាវ វិទ្យាសាស្ត្រជាតិបារាំង (CRNS) បានចេញផ្សាយ ការសិក្សា របស់ពួកគេអំពី កំណត់ត្រានេះ នៅក្នុងទិនានុប្បវត្តិធម្មជាតិ ។ ពួកគេបានពិនិត្យ coccoliths ប្រហែល៩លាន ដែលលាតសន្ធឹងចន្លោះពេល ២,៨ លានឆ្នាំឆ្លងកាត់ទីតាំង ជាច្រើន នៅក្នុងមហាសមុទ្រត្រូពិច ។ ដោយប្រើបច្ចេកទេសមីក្រូទស្សន៍ ស្វ័យប្រវត្តិ និង AI ពួកគេបានរកឃើញថា coccoliths បន្ទះថ្មកំបោរ និងឆ្លងកាត់វដ្ត ដែលហាក់ដូចជាត្រូវនឹងវដ្ត នៃគន្លងផែនដីជុំវិញព្រះអាទិត្យ ៕ដោយ៖លី ភីលីព
