អាមេរិក៖យោងតាមការចេញផ្សាយពី គេហទំព័រស្គាយញ៉ូវបានប្រាប់ឲ្យដឹងថា លោក Michael Nesmith ដែលជាអ្នកចម្រៀង និងអ្នកលេងហ្គីតាស្ថិតនៅក្រុមតារាចម្រៀងប៉ុបអាមេរិក The Monkees ឆ្នាំ ១៩៦០ បានទទួលមរណភាពក្នុងអាយុ ៧៨ ឆ្នាំហើយ។
អ្នកគ្រប់គ្រងរបស់ Nesmith លោក Andrew Sandoval បានបញ្ជាក់ព័ត៌មាននេះ នៅក្នុងសេចក្តីថ្លែងការណ៍មួយនៅលើ Twitter ។ លោកបាននិយាយថា វាជាការសោកសៅយ៉ាងខ្លាំងដែលខ្ញុំបានដឹងការស្លាប់របស់លោក Michael Nesmith ហើយយើងបានចែករម្លែកការធ្វើដំណើរ និងគម្រោងជាច្រើនជាមួយគ្នាក្នុងរយៈពេល ៣០ ឆ្នាំបានបញ្ចប់ក្នុងដំណើរទេសចរណ៍ Monkees បានបញ្ចប់កាលពីប៉ុន្មានសប្តាហ៍មុន។
លោក Micky Dolenz សមាជិកចុងក្រោយនៃក្រុមតន្រ្តីអាមេរិកនៅរស់រានមានជីវិត បានបង្ហោះនៅលើ Twitter ដោយនិយាយថា ខ្ញុំខូចចិត្ត ខ្ញុំបានបាត់បង់មិត្តភក្តិ និងដៃគូជាទីស្រឡាញ់ ខ្ញុំពិតជាដឹងគុណណាស់ ដែលយើងអាចចំណាយពេល ២ឬ៣ ខែចុងក្រោយនេះជាមួយគ្នា ហើយធ្វើអ្វីដែលយើងស្រលាញ់បំផុត ដូចជាច្រៀង សើច និងធ្វើ គ្រប់យ៉ាង ៕ ដោយ៖លី ភីលីព
