កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpopបានប្រាប់ឲ្យដឹងថា អតីតសមាជិកក្រុម តារាចម្រៀងស្រីកូរ៉េខាងត្បូង 4minute នាង Jihyun (Nam Ji Hyun) បានចុះកិច្ចសន្យាផ្តាច់មុខជាមួយ FN Entertainment ដោយចូលរួមជាមួយក្រុមហ៊ុន ដូចគ្នា ជាមួយតារាសម្តែង Ahn Bo Hyun ។
FN Entertainment បាននិយាយថា នាង Nam Ji Hyun បានចុះកិច្ចសន្យាផ្តាច់មុខ ជាមួយពួកយើង ។ ភ្នាក់ងារបានបន្ថែមថា យើងនឹងមិនទុកការគាំទ្រ ពេញទំហឹងរបស់យើង ចំពោះ Nam Ji Hyun ដែលសកម្ម ក្នុងវិស័យផ្សេងៗ នៃឧស្សាហកម្មកម្សាន្តនោះទេ ។ យើងសុំឲ្យអ្នករាល់គ្នាបង្ហាញ ចំណាប់អារម្មណ៍ និងការគាំទ្ររបស់ពួកគេចំពោះ Nam Ji Hyun នឹងបង្ហាញខ្លួននៅក្នុង ការងារផ្សេងៗ។
នាង Nam Ji Hyun បានបង្ហាញខ្លួន ដំបូងក្នុងឆ្នាំ ២០០៩ ជា មួយក្រុមចម្រៀងស្រី 4minute ។ នាងទទួលបានការ ស្រលាញ់ និងគាំទ្រច្រើនពីអ្នកគាំទ្រ ក្នុងនាមជាប្រធានក្រុមចម្រៀងស្រី ដ៏ពេញនិយម យ៉ាងណាមិញ នាងបានសម្រេចចិត្តចាកចេញពីក្រុមចម្រៀងស្រីនៅឆ្នាំ ២០១៦ ហើយបានផ្លាស់ប្តូរអាជីពមកជាតារាសម្ដែង ។
បន្ទាប់មកនាងបានលេចមុខ ក្នុងការងារផ្សេងៗដូចជា ‘My Little Baby’ ‘Strongest Deliveryman’ ‘Grand Prince’ ‘Monkey and Dog Romance’ ‘When the Devil Calls Your Name’ និងច្រើនទៀត ៕ដោយ៖លី ភីលីព
