អាមេរិក៖ប្រវត្តិរូបរបស់លោក Sir Jonathan Ive ត្រូវបានដកចេញពីទំព័រភាពជាអ្នកដឹកនាំរបស់គេហទំព័រ ក្រុមហ៊ុន Apple ដែលជាសញ្ញាបង្ហាញពីពេលវេលាបញ្ចប់របស់អ្នករចនាជនជាតិអង់គ្លេសនៅក្រុមហ៊ុនបច្ចេកវិទ្យានេះ បើយោងតាមការចេញផ្សាយ ពីគេហទំព័រឌៀលី ម៉ែលអតីតប្រធានផ្នែករចនាដែលត្រូវ បានគេស្គាល់ថា Jony Ive បានប្រកាសថា លោកនឹងចាកចេញពីក្រុមហ៊ុននេះនៅខែមិថុនា ។ ជនជាតិអង់គ្លេសរូបនេះបានចូលរួមជាមួយក្រុមហ៊ុន Apple នៅឆ្នាំ ១៩៩២ ដោយបានកាន់កាប់ក្រុមរចនារបស់ខ្លួននៅឆ្នាំ ១៩៩៦ និងទទួលខុសត្រូវចំពោះផលិតផលធំបំផុត របស់ក្រុមហ៊ុនបច្ចេកវិទ្យាមួយចំនួន រួមមាន iPod, iPhone និង iPad ។
កាលពីពេលថ្មីៗនេះលោក Sir Jonathan និង Apple មិនបានប្រាប់ពីកាលបរិច្ឆេទនៃការចាកចេញរបស់លោកនោះទេ ប៉ុន្តែរូបភាព និងទម្រង់ប្រតិបត្តិរបស់លោកដែលបានអង្គុយនៅក្បែរព័ត៌មានរបស់ប្រធានក្រុមហ៊ុនផ្សេងទៀតរួ មមាននាយកប្រតិបត្តិលោក Tim Cook ពេលនេះបានបាត់ពីគេហទំព័រ។
ដោយប្រកាសអំពីការចាកចេញ របស់គាត់នៅខែមិថុនាលោក Sir Jonathan បានបញ្ជាក់ថា លោកកំពុងបង្កើតក្រុមហ៊ុនរចនាផ្ទាល់ខ្លួនឈ្មោះ LoveFrom ដែលលោកបាននិយាយថានឹងបន្តធ្វើការជាមួយ Apple ។ លោកបានប្រាប់កាសែត Financial Times កាលពីដើមឆ្នាំថា ខ្ញុំនឹងមិនមែនជាបុគ្គលិករបស់ក្រុមហ៊ុន Apple ខ្ញុំនៅតែចូលរួមយ៉ាងខ្លាំងខ្ញុំសង្ឃឹមថាអស់រយៈពេលជាច្រើនឆ្នាំទៅមុខទៀត៕ ដោយ៖លី ភីលីព
