ភ្នំពេញ៖ក្លិបកីឡាតេក្វាន់ដូ “ITF”របស់ក្រសួងមហាផ្ទៃដណ្តើម កបានមេដាយច្រើនជាងគេ ក្នុងចំណោម១៨ក្លិប ការប្រកួតកីឡាតេក្វាន់ដូ “ITF”ជ្រើសរើសជើងឯកថ្នាក់ជាតិ ២០១៩ ខណៈក្លិបកីឡាតេក្វាន់ដូ “ITF”ខេត្តប៉ៃលិនទទួលបាន ជើងឯករង។
ក្នុងឳកាសពិធីបិទការប្រកួត កីឡាតេក្វាន់ដូ “ITF”ជ្រើសរើសជើងឯកថ្នាក់ជាតិ ២០១៩នៅមជ្ឈមណ្ឌលជាតិហ្វឹកហ្វឺន កីឡាដោយមានការអញ្ជើញ ចូលរួមពីលោក កែវ រ៉េមី ប្រធានសហព័ន្ធកីឡា តេក្វាន់ដូ “ITF” កម្ពុជា និងអនុប្រធាន សហព័ន្ធកីឡាតេក្វាន់ដូ “ITF” ពិភពលោក និងលោក ម៉ិល កាដូ អគ្គនាយករងនៃអគ្គនាយកដ្ឋាន កីឡាតំណាងឲ្យលោក ស សុខា រដ្ឋលេខាធិការនៃ ក្រសួងអប់រំ យុវជន និងកីឡានាព្រឹកថ្ងៃទី១ ខែធ្នូ ឆ្នាំ២០១៩។
ការប្រកួតនេះក្រោមការឧបត្ថម្ភថវិកា ប្រចាំឆ្នាំសម្រាប់កីឡាជាតិ របស់ក្រសួងអប់រំ យុវជន និងកីឡា សហព័ន្ធកីឡាតេក្វាន់-ដូ ITF កម្ពុជា បានរៀបចំការប្រកួតជ្រើសរើស ជើងឯកថ្នាក់ជាតិ ឆ្នាំ២០១៥ ដែលមាន សមាគមក្លិប ចំនួន ១៨ មកពីរាជធានី/ខេត្ត ដែលមានប្រតិភូចំនួន ១ ៩ នាក់ ត្រូបង្វឹកចំនួន ១៨ នាក់ កីឡាករចំនួន ១០១នាក់ និងកីឡាការិនី ចំនួន ៦១ នាក់ ដោយត្រូវប្រកួតដណ្តើមមេដាយលើ ២៣ វិញ្ញសាដែលមានមេដាយ សរុបចំនួន ១៤៧ មេដាយ (ស្មើនឹង ៤១៥ប្រកូត)។
ក្លិបកីឡាតេក្វាន់ដូ “ITF”របស់ក្រសួងមហាផ្ទៃគ្រងតំណែង ជើងឯកដោយដណ្តើមមេដាយសរុប១៣គ្រឿ រួមមានមេដាយមាស៥គ្រឿង ប្រាក់៣គ្រឿង និងសំរិទ្ធ៥គ្រឿង រីឯក្លិបកីឡា តេក្វាន់ដូ “ITF”ខេត្តប៉ៃលិនដណ្តើមមេដាយសរុប៩គ្រឿ រួមមានមេដាយមាស៤គ្រឿង ប្រាក់១គ្រឿង និងសំរិទ្ធ៤គ្រឿង និងក្លិបកីឡាតេក្វាន់ដូ “ITF”សេរីភាពដណ្តើមមេដាយ សរុប៥គ្រឿ រួមមានមេដាយមាស ៣គ្រឿង និងប្រាក់៤គ្រឿង ។
ចំពោះក្លិបកីឡាតេក្វាន់ដូ “ITF”ក្រសួងសេដ្ឋកិច្ចដណ្តើមមេដាយ សរុប១១គ្រឿ រួមមានមេដាយមាស ៣គ្រឿង ប្រាក់៣គ្រឿង និងសំរិទ្ធ៥គ្រឿង ក្លិបកីឡាតេក្វាន់ដូ “ITF”ស.ស.យ.កខេត្តកំពង់ស្ពឺ ដណ្តើមមេដាយ សរុប១១គ្រឿ រួមមានមេដាយមាស២គ្រឿង ប្រាក់៥គ្រឿង និងសំរិទ្ធ៤ គ្រឿង និងក្លិបកីឡាតេក្វាន់ដូ “ITF”យុវជនដណ្តើមមេដាយសរុប៦គ្រឿ រួមមានមេដាយមាស ២គ្រឿង ប្រាក់២គ្រឿង និងសំរិទ្ធ២គ្រឿង៕ដោយ៖លី ភីលីព
