The Goal ចេញផ្សាយនៅថ្ងៃនេះបានឲ្យដឹងថា ខណៈដែលក្លឹបបិសាចក្រហម Man UTD កំពុងបន្តស្វែងរកគ្រូបង្វឹកអចិន្ត្រៃយ៍ម្នាក់នោះមានអតីតកីឡាករឆ្នើម ម្នាក់បានលើកឡើងថាក្លឹបគួរតែពិចារណាបេក្ខភាព របស់លោក Antonio Conte ដែលកំពុងបង្វឹក Spurs ។
អតីតអ្នកចាំទីឆ្នើមលោក Shay Given បានអះអាងថាបច្ចុប្បន្នលោក Conte គឺមិនសូវសប្បាយចិត្តជាមួយនឹងក្លឹប Spurs ឡើយហើយទំនងជានឹងចាកចេញពីក្លឹបហើយនៅរដូវក្តៅនេះដែលនឹងគួរតែក្លាយទៅ ជាឱកាសសម្រាប់បិសាចក្រហម Man UTD ដើម្បីអាចធ្វើការជាមួយនឹងគ្រូបង្វឹកឆ្នើមរូបនេះ។
លោក Conte ធ្លាប់បានបញ្ជាក់ហើយថាលោកមិនអាចធ្វើការកែប្រែទំរង់លេងរបស់ Spurs បានឡើយក្រោយបរាជ័យផ្ទួនៗដល់ទៅ៤ដងជាប់គ្នាចុងក្រោយ និងការប្រកួតចុងក្រោយចាញ់ Burnley ផង។
លោក Given បាននិយាយថា៖បិសាចក្រហម Man UTD កំពុងតែធ្វើការដើម្បីចរចានាំគ្រូបង្វឹកពេញសិទ្ធម្នាក់មកចូលរួមក្លឹបហើយពួកគេគួរតែងាកទៅពិចារណាបេក្ខភាពរបស់លោក Conte ពីព្រោះថាទាំងអត្តចារិត និងសមត្ថភាព របស់គាត់គឺពិតជាសាកសមបំផុតសម្រាប់ក្លឹប៕
ប្រែសម្រួល៖ស៊ុនលី
