រុស្ស៊ី ៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា អនាគតរបស់អ្នកបើកបររថយន្តប្រណាំង ជនជាតិរុស្ស៊ី Nikita Mazepin មើលទៅមិនប្រាកដប្រជាឡើយ បន្ទាប់ពីក្រុម Haas បានដកម៉ាកយីហោរបស់ក្រុមហ៊ុនរុស្ស៊ី ចេញពីរថយន្តរបស់ពួកគេ នៅថ្ងៃចុងក្រោយ នៃការសាកល្បងមុនរដូវកាល នៅទីក្រុង Barcelona កាលពីសប្តាហ៍មុន។
ក្រុម Haas Formula One បានប្រកាសកាត់ផ្តាច់ទំនាក់ទំនង ជាមួយអ្នកឧបត្ថម្ភរុស្ស៊ី និងអ្នកបើកបរ ដែលកិច្ចសន្យារបស់លោក ត្រូវបានភ្ជាប់ទៅនឹងការឧបត្ថម្ភនោះ បន្ទាប់ពីការលុកលុយរបស់រុស្ស៊ី លើអ៊ុយក្រែន។
ក្រុមនេះបាននិយាយ នៅក្នុងសេចក្តីថ្លែងការណ៍មួយបានបង្ហោះ នៅលើ Twitter នៅព្រឹកថ្ងៃសៅរ៍ថា ក្រុម Haas បានជ្រើសរើសដើម្បីបញ្ចប់ ដោយមានប្រសិទ្ធិភាពភ្លាមៗ ភាពជាដៃគូនៃ Uralkali និងកិច្ចសន្យាអ្នកបើកបររបស់ Nikita Mazepin ។
ដូចគ្នានឹងសហគមន៍ Formula One ផ្សេងទៀតដែរ ក្រុមការងារមានការភ្ញាក់ផ្អើល និងសោកស្ដាយ ចំពោះការលុកលុយរបស់អ៊ុយក្រែន ហើយសូមជូនពរឲ្យបញ្ចប់ជម្លោះ យ៉ាងឆាប់រហ័ស និងដោយសន្តិភាព។ អ៊ុយរ៉ាល់កាលី ដែលផលិតប៉ូតាស្យូម ដែលជាសារធាតុផ្សំនៅក្នុងជី គឺជាកម្មសិទ្ធិរបស់ឪពុករបស់ Mazepin គឺលោក Dmitry ជាមហាសេដ្ឋីដែលមានទំនាក់ទំនង ជាមួយប្រធានាធិបតីរុស្ស៊ី វ្ល៉ាឌីមៀ ពូទីន។
Mazepin ដែលបានបង្ហាញខ្លួន ជាលើកដំបូងរបស់លោក កាលពីរដូវកាលមុន បានចុះចតលើកៅអីអ្នកបើកបរ ជាផ្នែកនៃកិច្ចព្រមព្រៀងឧបត្ថម្ភ។ ក្នុងនាមជាជនជាតិរុស្សីតែម្នាក់គត់ នៅលើក្រឡាចត្រង្គ លោកនឹងត្រូវប្រណាំង ក្នុងសមត្ថភាពអព្យាក្រឹត ជាផ្នែកនៃទណ្ឌកម្ម ក្រោយការឈ្លានពានរបស់កីឡា៕ ដោយ៖លី ភីលីព
