ខ្សែប្រយុទ្ធស៊ុយអែត Zlatan Ibrahimovic បាននិយាយសារព័ត៌មាន GQ Italia កាលពីពេលថ្មីៗនេះថា ខ្លួននឹងប្រកបអាជីពបាល់ទាត់បន្តនៅប្រទេសអ៊ីតាលី។
កីឡាកររូបនេះបានលើកឡើងថា៖ ” ខ្ញុំនឹងចូលរួមជាមួយក្លឹប ដែលត្រូវតែត្រលប់ទៅរកជ័យជម្នះរបស់ខ្លួនវិញ ទៅរកក្លឹបដែលបង្កើតប្រវត្តិសាស្ត្រសារជាថ្មី និងក្លឹបដែលស្វែងរកការប្រយុទ្ធទល់នឹងក្លឹបដទៃទៀត ” ។
Zlatan បានបន្តថា៖ ” នេះហើយជាអ្វីដែលអាចរកកម្លាំងចិត្ត ដើម្បីឲ្យគ្រប់គ្នាភ្ញាក់ផ្អើលបន្តទៀត។ ការជ្រើសរើសក្រុម មានហេតុផលច្រើនណាស់ ដែលរាប់បញ្ចូលនឹងផលប្រយោជន៍សម្រាប់គ្រួសារខ្ញុំ។ ខ្ញុំនឹងជួបអ្នកទាំងអស់គ្នានៅប្រទេសអ៊ីតាលីក្នុងពេលឆាប់ៗ ” ។
កាលពីពេលថ្មីៗនេះ មានព័ត៌មានជាច្រើនណាស់ ដែលបកស្រាយពីអនាគតអាជីពបាល់ទាត់របស់ Zlatan។ សារព័ត៌មានខ្លះសរសេរថា កីឡាករស៊ុយអែតនេះ នឹងត្រលប់មកលេងនៅ AC Milan ឯខ្លះទៀតថា មកលេងនៅ Napoli៕
ប្រភព៖ news.sabay.com.kh
