អាមេរិក ៖ នេះបើយោងតាមការ ចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា វាអាចស្តាប់ទៅដូច ជាឈុតឆាកពី Star Trek ប៉ុន្តែវេជ្ជបណ្ឌិតណាសា និងក្រុមរបស់លោកបានក្លាយ ជាមនុស្សដំបូងគេ ដែលត្រូវបានHoloported ពីផែនដីទៅកាន់លំហ ។
គ្រូពេទ្យវះកាត់ជើងហោះហើរ លោកវេជ្ជបណ្ឌិត Josef Schmid ស្រាប់តែប្រទះឃើញខ្លួនលោក នៅកណ្តាលស្ថានីយអវកាស អន្តរជាតិ (ISS) ជាកន្លែងលោកអាចរីករាយ នឹងការសន្ទនា២ផ្លូវ ហើយថែមទាំងចែករម្លែកការចាប់ដៃ ជាមួយអវកាសយានិក ជនជាតិបារាំង Thomas Pesquet ទៀតផង។
លោកវេជ្ជបណ្ឌិត Schmid បាននិយាយថា Holoportation គឺជាប្រភេទ នៃបច្ចេកវិទ្យា ដែលធ្វើឲ្យគំរូ 3D មានគុណភាពខ្ពស់ របស់មនុស្ស ត្រូវបានសាងសង់ឡើងវិញ បង្រួម និងបញ្ជូនបន្តផ្ទាល់គ្រប់ ទីកន្លែងក្នុងពេលវេលាជាក់ស្តែង ។ នៅពេលរួមបញ្ចូលគ្នា ជាមួយការបង្ហាញការពិតចម្រុះដូចជា HoloLens របស់ Microsoft វាធ្វើឲ្យអ្នកប្រើប្រាស់មើលឃើញ ឮ និងធ្វើអន្តរកម្មជាមួយ អ្នកចូលរួមពីចម្ងាយក្នុង 3D ដូចជាប្រសិនបើពួកគេមានវត្តមាន នៅក្នុងលំហជាក់ស្តែងដូចគ្នា ។
Holoportation ត្រូវបានប្រើប្រាស់ ដោយក្រុមហ៊ុន Microsoft តាំងពីឆ្នាំ ២0១៦ ប៉ុន្តែនេះជាលើកទីមួយ ហើយដែលបច្ចេកវិទ្យានេះ ត្រូវបានដាក់ពង្រាយ ក្នុងបរិយាកាសខ្លាំង និង ដាច់ស្រយាលដូចជាលំហ ។ លោកវេជ្ជបណ្ឌិត Schmid បានបន្តថា នេះជាលក្ខណៈថ្មីស្រឡាង នៃការប្រាស្រ័យទាក់ទង របស់មនុស្ស នៅទូទាំងចម្ងាយដ៏ធំ» ។
លើសពីនេះ វាគឺជាវិធីថ្មីស្រឡាង នៃការរុករកមនុស្ស ដែលអង្គភាពមនុស្សរបស់យើង អាចធ្វើដំណើរចេញពីភពផែនដីបាន ហើយរូបកាយរបស់យើង មិននៅទីនោះទេ ប៉ុន្តែរាងកាយរបស់មនុស្សយើងពិតជានៅទីនោះ ។ វាមិនសំខាន់ទេ ដែលស្ថានីយអវកាស កំពុងធ្វើដំណើរក្នុងល្បឿន ១៧,៥00 ម៉ាយក្នុងមួយម៉ោង ហើយចលនាថេរក្នុងគន្លងចម្ងាយ ២៥0 ម៉ាយ ពីលើផែនដី អវកាសយានិក អាចត្រលប់មកវិញ៣នាទី ឬ៣សប្តាហ៍ក្រោយ ហើយជាមួយនឹងប្រព័ន្ធដំណើរការ យើងនឹងនៅទីនោះនៅកន្លែងនោះ ៕ ដោយ៖លី ភីលីព
